Mateo 17:3 - Papiamentu Bible 2013

³ Diripiente nan a mira Moises i Elías ta papia ku Hesus.

Beibel na Papiamentu Koriente 2013

³ Diripiente nan a mira Moises i Elías ta papia ku Hesus.

Mateo 17:3 Referans Kwoze

Lukas 24:44

E ora ei El a bisa nan: ‘Ta esaki ta e kosnan ku Mi a konta boso, tempu Mi tabata ainda huntu ku boso: Tur kos di Mi, ku ta skibí den Lei di Moises, den profetanan i den Salmonan mester bira realidat.’

Marko 9:4

Tambe nan a mira Elías i Moises ku tabata papia ku Hesus.

Malakías 4:5

Tende, Mi ta bai manda profeta Elías pa boso promé ku dia di SEÑOR yega, e dia grandi i teribel.

Lukas 24:27

Hesus a splika nan tur kos ku Skritura ta bisa di djE mes; El a kuminsá na e bukinan di Moises i a sigui te na e bukinan di e profetanan.

Lukas 16:16

Lei i profetanan ta konta te tempu di Huan Boutista. For di e tempu ei ta prediká reino di Dios i tur hende ta forsa drenta aden.

Lukas 9:33

Segun e hòmbernan tabata bai, Pedro a bisa Hesus: ‘Maestro, esta bon ku nos ta aki! Laga nos traha tres tènt: un pa Bo, un pa Moises i un pa Elías.’ Pedro no tabata sa kiko e tabata papia.

Lukas 1:17

Lo e bai Señor su dilanti ku e aktitut i poder di profeta Elías. Anto su intenshon lo ta di trese pas entre tata i yu i di hiba e rebeldenan bèk riba e kaminda rekto. Asin'ei lo e prepará un pueblo ku ta kompletamente kla pa Señor.’

1 Reinan 17:1

Profeta Elías di Tisbe den Guilead a bisa Ahab: ‘Mi ta hura pa SEÑOR, e Dios bibu di Israel, ku mi ta sirbi, ku ni serena ni awa lo no kai den e añanan ku ta bini, ku no ta te ora mi bisa.’

Deuteronomio 34:10

Nunka mas no a lanta un profeta na Israel manera Moises, ku a konosé SEÑOR kara kara.

Deuteronomio 18:18

Lo Mi laga un profeta meskos ku bo lanta pa nan, un hende for di nan mes pueblo. Lo Mi pone mi palabranan den su boka i lo e bisa nan loke Mi orden'é.

Huan 1:17

Ta asina ku a risibí lei via Moises; bondat i fieldat a bini pa medio di Hesu-Kristu.

Mateo 17:2

Ei nan dilanti, El a kambia di aparensia. Su kara a kuminsá bria manera solo i su paña a bira briante manera lus.

Mateo 17:4

Pedro a bisa Hesus: ‘Señor, ta bon ku nos t'aki! Si Bo ke, mi ta traha tres tènt: un pa Bo, un pa Moises i un pa Elías.’