Marko 9:17 - Papiamentu Bible 2013

¹⁷ Un hòmber for di den e multitut a kontestá: ‘Maestro, mi a trese mi yu hòmber pa Bo. Ta asina ku e ta poseé pa un spiritu ku a hasié muda.

Beibel na Papiamentu Koriente 2013

¹⁷ Un hòmber for di den e multitut a kontestá: ‘Maestro, mi a trese mi yu hòmber pa Bo. Ta asina ku e ta poseé pa un spiritu ku a hasié muda.

Marko 9:17 Referans Kwoze

Lukas 11:14

Un bia Hesus tabata saka un demoño, ku tabata hasi hende muda, i ora e demoño a sali, e hòmber por a papia. E multitut a keda asombrá,

Marko 9:25

Ora Hesus a nota ku e hendenan tabata basha bini riba nan, El a skual e spiritu seriamente: ‘Spiritu ku ta hasi hende muda i surdu, Ami ta ordená bo: Sali for di e mucha hòmber akí i no drent'é nunka mas.’

Huan 4:47

Ora el a tende ku Hesus a bini Galilea bèk for di Hudea, el a bai serka djE i rog'É pa bai Kafárnao kuné, pa kura su yu ku tabata serka di muri.

Lukas 9:38

Un hòmber den e multitut a dal un gritu, bisando: ‘Mi ta roga Bo, Maestro, Bo ke wak mi yu, mi úniko yu, pa mi?

Marko 10:13

Algun hende a trese mucha pa Hesus pone man riba nan, ma e disipelnan a skual e hendenan.

Marko 7:26

E señora, un pagano nasé na Fenisia den pais Siria, a pidi Hesus pa saka e mal spiritu for di su yu muhé.

Marko 5:23

i a rog'É mashá, bisando: ‘Mi yu muhé chikí por muri un ora pa otro, por fabor bin pone bo man riba dje pa asina e por kura i keda na bida.’

Mateo 17:15

i bisa: ‘Señor, tene mizerikòrdia ku mi yu hòmber, e ta sufri hopi; e ta kai djimpi i vários be el a yega di kai den kandela i den awa.

Mateo 12:22

Nan a trese un hòmber serka Hesus; e hòmber tabata siegu i surdu, pasobra e tabata poseé. Hesus a kur'é i e hòmber por a papia i mira.

Mateo 9:32

Ora e dos hòmbernan tabata kana bai, algun hende a trese un hòmber muda ku tabata poseé serka djE.

Marko 9:16

Hesus a puntra su disipelnan: ‘Ta kiko boso ta diskutí ku nan?’

Marko 9:18

Kada be ku e spiritu atak'é, e ta lag'é kai djimpi; e mucha ta skuma, morde djente i bira steif. Awor mi a pidi bo disipelnan pa saka e spiritu, ma nan no tabata por.’