Marko 8:6 - Papiamentu Bible 2013

⁶ Hesus a manda tur hende sinta abou na suela. Despues El kohe e shete pannan, gradisí Dios, kibra nan i duna su disipelnan pa nan parti pa e hendenan.

Beibel na Papiamentu Koriente 2013

⁶ Hesus a manda tur hende sinta abou na suela. Despues El kohe e shete pannan, gradisí Dios, kibra nan i duna su disipelnan pa nan parti pa e hendenan.

Marko 8:6 Referans Kwoze

Kolosensenan 3:17

Den tur loke boso bisa òf hasi, boso mester honra nòmber di Señor Hesus, yamando Dios Tata danki pa medio di djE.

Romanonan 14:6

Esun ku ta balorá sierto dia mas ku otro dia, ta na honor di Señor e ta hasié; esun ku ta kome tur kos, ta na honor di Señor e ta kome, pasobra e ta gradisí Señor pa loke e ta kome. Esun ku no ta kome tur kos, tambe ta hasié na honor di Señor i e tambe ta gradisí Señor.

Huan 6:23

Ma tabatin otro boto di e pueblo Tiberias ku a yega tera serka di e lugá kaminda e hendenan a kome pan despues ku Señor a gradisí Dios.

Huan 2:5

Hesus su mama a bisa e kriánan: ‘Hasi loke E bisa boso.’

Lukas 24:30

Miéntras E tabata kome huntu ku nan, El a kohe e pan, gradisí Dios, kibr'é i duna nan.

Lukas 12:37

Felis ta e kriánan ku nan shon haña lantá i prepará, ora e bini bèk! Mi ta sigurá boso: e shon lo faha su lomba, pone nan sinta na mesa i e mes lo sirbi nan.

Mateo 26:26

Miéntras nan tabata kome, Hesus a kohe pan; El a gradisí Dios, kibra e pan i duna su disipelnan. ‘Tuma kome, esaki ta mi kurpa,’ El a bisa.

1 Samuel 9:13

Bai siudat lihé, anto boso lo top'é promé ku e bai e seritu di sakrifisio pa e kome. E hendenan no ta kome promé ku e yega, pasobra e tin ku bendishoná e sakrifisio pa despues e invitadonan kome. Bai awor akí, den e oranan akí boso mester top'é.’

Marko 8:5

Hesus a puntra: ‘Kuantu pan boso tin?’ Nan a bis'É: ‘Shete.’

Marko 8:7

Tambe nan tabatin poko piská chikí ku El a bendishoná i a duna su disipelnan pa nan parti.

Marko 8:20

‘Ora Mi a kibra e shete pannan pa parti ku e kuater mil hendenan, kuantu makutu grandi boso a yena ku e pidanan sobrá?’ ‘Shete,’ nan a kontestá.