Marko 8:34 - Papiamentu Bible 2013

³⁴ Despues El a yama e hendenan i su disipelnan serka djE i bisa nan: ‘Si un hende ke sigui Mi, e mester lubidá su mes, hisa su krus i sigui Mi.

Beibel na Papiamentu Koriente 2013

³⁴ Despues El a yama e hendenan i su disipelnan serka djE i bisa nan: ‘Si un hende ke sigui Mi, e mester lubidá su mes, hisa su krus i sigui Mi.

Marko 8:34 Referans Kwoze

Mateo 10:38

Esun ku no hisa su krus sigui Mi, no ta digno di pertenesé na Mi.

Huan 10:27

Mi karnénan ta skucha mi stèm; Ami konosé nan i nan ta sigui Mi.

1 Reinan 14:8

Mi a kita e reino for di famia di David i a duna bo e. Pero bo no a komportá bo manera mi sirbidó David, ku a kumpli ku mi mandamentunan, ku a sigui Mi di henter su kurason i ku a hasi semper loke ta drechi den mi bista.

Galatanan 5:24

Esnan ku ta pertenesé na Kristu-Hesus, ya a krusifiká e hende pekadó den nan mes, huntu ku su pashon- i mal deseonan.

Galatanan 2:20

i ya no ta ami mes ta biba, pero ta Kristu ta biba den mi. E bida ku mi ta biba awor akí den e kurpa akí, mi ta biba pa medio di fe den Yu di Dios, ku a mustra mi su amor i a entregá su bida pa mi.

1 Huan 3:16

Ata kon Hesus a siña nos kiko ta amor: El a entregá su bida pa nos. Asina nos tambe ta obligá di entregá nos bida pa nos rumannan.

Numbernan 14:24

Pero pasobra mi sirbidó Kaleb tabatin otro pensamentu i a keda fiel na Mi, lo Mi hib'é e pais ku el a eksplorá i su desendientenan lo keda ku e pais.

Mateo 16:24

Despues El a bisa su disipelnan: ‘Si un hende ke sigui Mi, e mester lubidá su mes, hisa su krus i sigui Mi.

Filipensenan 3:10

Mi ke konosé Kristu, eksperensiá poder di su resurekshon i kompartí su sufrimentu; mi ke bira manera E den su morto.

Romanonan 8:17

I komo nos ta yu, nos lo tin parti tambe den e benefisionan ku Dios a primintí. Nos lo tin parti den nan huntu ku Kristu, basta nos sufri huntu kunÉ pa asina nos por ta huntu kunÉ den su gloria tambe!

Lukas 9:23

Anto El a bisa nan tur: ‘Si un hende ke sigui Mi, e mester lubidá su mes, hisa su krus tur dia i sigui Mi.

Kolosensenan 3:5

P'esei mata tur loke ta di e mundu akí den boso: inmoralidat seksual, indesensia, pashon, deseo malu i avarisia, ku ta igual na idolatria.

Filipensenan 3:7

Ma awor tòg mi ta konsiderá tur e kosnan akí, ku na mi pareser tabata ganashi, un pèrdida pa motibu di Kristu.

1 Pedro 4:1

Ya ku Kristu a sufri físikamente, boso tambe mester kana ku e pensamentu, ku esun ku sufri físikamente no ta envolví den piká mas:

Galatanan 6:14

Ami sí no ke broma ku nada otro ku no ta krus di nos Señor Hesu-Kristu. Pasobra pa motibu di loke El a hasi na krus, mundu a muri pa mi i ami ta morto pa mundu.

1 Korintionan 15:31

Mi rumannan, tur dia mi ta enfrentá morto. Esei ta sigur, mes sigur ku mi ta orguyoso di loke Kristu-Hesus, nos Señor, a hasi den boso.

Romanonan 6:6

Nos sa ku e hende ku nos tabata ántes a keda krusifiká huntu ku Kristu, pa kibra forsa di deseo pa hasi piká i pa nos no ta katibu di piká mas.

Lukas 14:33

Asin'ei boso kada un mester entregá tur loke boso ta poseé, sino boso no por ta mi disipel.

2 Pedro 1:14

Mi sa ku pronto lo mi pone e kaska mortal akí un banda, manera nos Señor Hesu-Kristu a indiká mi.

1 Pedro 4:13

Sino sea kontentu ku boso por tuma parti na sufrimentu di Kristu. Ya boso lo ta yen di goso dia ku Kristu bini bèk den su gloria.

Tito 2:12

Bondat di Dios ta siña nos renunsiá un bida sin Dios, ku pashon mundano, i hiba un bida prudente, rekto i dediká na Dios, riba e mundu akí,

Kolosensenan 1:24

Na e momentonan akí mi ta kontentu ku mi por sufri pa boso, pasobra asina mi ta kompletá den mi bida loke ta falta ainda na e tribulashonnan di Kristu pa su kurpa, esta iglesia.

Echonan 14:22

Nan a fortalesé e disipelnan, kurashá nan pa keda fiel den fe. Tambe nan a bisa: ‘Nos mester pasa hopi tribulashon pa drenta reino di Dios.’

Lukas 18:22

Ora Hesus a skuch'é, El a bisa: ‘Un kos so bo falta. Bai bende tur loke bo tin, duna hende pober e sèn i lo bo tin tesoro den shelu. Despues bin sigui Mi.’

Lukas 13:24

‘Hasi boso máksimo esfuerso pa boso pasa dor di e porta smal, pasobra Mi ta bisa boso: hopi lo purba drenta, ma nan no ta logra.

Mateo 27:32

Ora nan tabata sali for di siudat, nan a topa un hòmber di Sirene ku yama Simon, i e sòldánan a oblig'é karga e krus di Hesus.

Revelashon 2:10

No tene miedu di e sufrimentu ku ta warda boso. Tende, diabel lo pone algun di boso den prizòn, pa pone boso na prueba. Lo oprimí boso dies dia largu. Pero sea fiel te na morto, e ora ei lo Mi duna boso bida komo rekompensa.

Hebreonan 13:13

Ban serka djE pafó di e kampamentu anto i sufri e deshonra ku E tambe a sufri.

2 Tesalonisensenan 3:11

A yega na nos orea ku tin algun hende serka boso ku ta hiba un bida indisipliná; nan no ta buska trabou pa hasi, pero ta traha trabou di otro hende!

1 Korintionan 9:19

Ounke mi ta liber i mi no ta katibu di niun hende, mi a hasi mi mes katibu di tur hende pa gana mas tantu hende posibel pa Kristu.

1 Korintionan 8:13

P'esei, si mi kuminda ta pone mi ruman kai, lo mi no kome karni nunka di mi bida mas pa mi no pone mi ruman kai.

Huan 19:17

Ora El a sali, E mes tabata karga su krus. El a yega na un lugá ku yama ‘Lugá di Karpachi’, ku na hebreo yama ‘Gólgota’.

Lukas 20:45

Miéntras henter e pueblo tabata skuch'É, Hesus a bisa su disipelnan:

Marko 10:21

Hesus a keda wak e duru den su kara i a sinti amor p'e; El a bis'é: ‘Un kos so bo falta. Bai bende tur loke bo tin, duna hende pober e sèn i lo bo tin tesoro den shelu. Despues bin sigui Mi.’

Marko 7:14

Hesus a bolbe yama e hendenan huntu i bisa nan: ‘Boso tur skucha Mi i komprondé Mi.