Marko 2:16 - Papiamentu Bible 2013

¹⁶ Ora e dòktornan di lei di e grupo di fariseo a mir'É ta kome huntu ku hende ku no ta kumpli ku lei i ku kobradó di belasting, nan a puntra su disipelnan: ‘Pakiko e ta sinta kome huntu ku e tipo di hendenan akí?’

Beibel na Papiamentu Koriente 2013

¹⁶ Ora e dòktornan di lei di e grupo di fariseo a mir'É ta kome huntu ku hende ku no ta kumpli ku lei i ku kobradó di belasting, nan a puntra su disipelnan: ‘Pakiko e ta sinta kome huntu ku e tipo di hendenan akí?’

Marko 2:16 Referans Kwoze

Lukas 19:10

Yu di hende a bini pa buska i salba esun ku ta pèrdí!’

Lukas 18:11

E fariseo a bai para e so i resa: “Dios, mi ta yama Bo danki ku mi no ta manera tur e otro hendenan; mi no ta golos pa kos, malbado, adúltero, òf manera e kobradó di belasting ei.

1 Korintionan 2:15

Es ku tin Spiritu Santu, por husga balor di tur kos, ma niun hende no por husga E!

Echonan 23:9

Tabatin un gritamentu fuerte i algun dòktor di lei di e partido di fariseo a lanta protestá ku furia i bisa: ‘Nos no ta haña ku e hòmber akí a hasi nada malu! Por ta mashá bon ku un angel òf un spiritu a papia kuné!’

Lukas 19:7

Tur hende ku a mira loke a pasa a murmurá i bisa: ‘El a bai keda na kas di un pekadó!’

Isaías 65:5

Nan ta bisa tur hende ku nan topa: “Hala leu, no mishi ku mi! Pasobra mi tabatin kontakto ku kos santu i esei por hinka bo den peliger.” Nan provokashon ta manera huma ku ta iritá mi nanishi, nan ta manera un kandela semper sendé.

Hebreonan 12:3

Meditá riba Esun ku mester a soportá tantu resistensia di pekadó; ya boso lo no kansa ni desanimá.

Marko 2:7

‘Kon e hòmber akí ta tribi papia asina? Ta blasfemia! No ta Dios so tin poder pa pordoná piká?’

Mateo 18:17

Si e ruman nenga di tende, hiba henter e asuntu dilanti di iglesia. I si ainda e no ke tende, trat'é komo si fuera ta un pagano òf kobradó di belasting e ta.

Mateo 9:11

Ora e fariseonan a mira Hesus ta kome huntu ku hende ku no ta kumpli ku lei i ku kobradó di belasting, nan a puntra su disipelnan: ‘Pakiko boso Maestro ta sinta kome huntu ku e sorto di hendenan akí?’

Mateo 5:46

Pasobra si bo ta stima solamente esnan ku ta stima bo, kua rekompensa bo por spera e ora ei? E kobradónan di belasting n' ta hasi meskos?

Marko 2:15

Un dia Hesus a bai kome na kas di Levi. Hopi kobradó di belasting i otro hende ku no tabata kumpli ku lei a sinta kome huntu kunÉ i su disipelnan. Nan hopi tabata siguiÉ.

Lukas 5:30

E fariseonan i e dòktornan di lei di nan grupo a bai murmurá serka su disipelnan i bisa: ‘Pakiko boso ta kome i bebe huntu ku hende ku no ta kumpli ku lei i ku kobradó di belasting?’