Marko 12:7 - Papiamentu Bible 2013

⁷ Ma e kunukeronan a bisa otro: “Esun akí ta e heredero! Ban, laga nos kaba kuné, ya nos ta haña su herensia!”

Beibel na Papiamentu Koriente 2013

⁷ Ma e kunukeronan a bisa otro: “Esun akí ta e heredero! Ban, laga nos kaba kuné, ya nos ta haña su herensia!”

Marko 12:7 Referans Kwoze

Echonan 7:52

Kua di e profetanan boso antepasadonan no a persiguí? Nan a mata esnan ku a anunsiá binida di esun Hustu for di padilanti. Anto awor boso a traishoná i mata esun Hustu.

Echonan 5:28

El a bisa: ‘Nos no a prohibí boso estriktamente di duna siñansa den nòmber di e hòmber ei? Ma boso a plama boso siñansa rònt Herusalèm i ke hasi nos responsabel pa dramamentu di su sanger.’

Echonan 2:23

Pero ora nan a entreg'É segun e plan i propósito ku Dios tabatin kaba, boso a laga malechornan krusifik'É i mat'É.

Marko 12:12

E saserdotenan importante, e dòktornan di lei i e ansianonan tabata sa ku ta di nan e komparashon tabata trata. P'esei nan ker a kohe Hesus prezu, ma nan tabatin miedu di e multitut; nan a bai lag'É.

Mateo 2:16

Asina Heródes a realisá ku e sabionan a nèk e, el a bira mashá furioso i a manda mata tur mucha hòmber di Betlehèm i bisindario ku tabatin dos aña òf ménos. E edat akí tabata kuadra ku e tempu ku e sabionan a bis'é ku nan a mira e strea aparesé.

Isaías 49:7

SEÑOR, Dios Santu, ku sa sali pa Israel, ta bisa bo, abo, profundamente despresiá, repudiá pa pueblo, sirbidor di tiranonan: ‘Ora rei- i prínsipenan mira bo, nan lo lanta fo'i nan trono i bùig pa bo.’ Asina nan ta demostrá nan rèspèt pa SEÑOR, e Dios Santu di Israel, ku a skohe bo i ta fiel na su palabra.

Génesis 37:20

Laga nos mat'é; despues nos ta tir'é den un di e posnan i bisa ku ta un bestia feros a kom'é. E ora ei nos ta wak kiko ta para di su soñonan!’

Génesis 3:15

Lo mi trese enemistat entre abo i e muhé, entre bo desendensia i esun di dje. Desendensia di e muhé lo machiká bo kabes i abo lo morde su hilchi di pia.’

Mateo 21:34

Ora tempu di kosecha a yega, el a manda su kriánan bai tuma su frutanan serka e kunukeronan.

Marko 12:6

A sobra e doño su yu stimá so pa manda i por último e doño a mand'é serka nan. El a pensa: “Mi yu sí nan lo respetá!”

Marko 12:8

Nan a koh'é tene, mat'é i tir'é despues pafó di e hòfi.

Hebreonan 1:2

pero awor, den e delaster dianan, El a papia ku nos pa medio di su Yu. Dios a krea universo pa medio di djE i a dun'É tur kos pa semper den poseshon.