Lukas 6:30 - Papiamentu Bible 2013

³⁰ Duna tur hende ku pidi bo algu, loke nan pidi bo; si un hende kohe un kos di bo, no pidiéle bèk.

Beibel na Papiamentu Koriente 2013

³⁰ Duna tur hende ku pidi bo algu, loke nan pidi bo; si un hende kohe un kos di bo, no pidiéle bèk.

Lukas 6:30 Referans Kwoze

2 Korintionan 8:9

Boso mes sa ku nos Señor Hesu-Kristu, den su bondat, a bira pober pa boso ounke E tabata riku, ya boso por a bira riku pa medio di su pobresa!

Echonan 20:35

Den tur kos mi a mustra boso ku pa medio di e tipo di trabou duru akí nos mester yuda esnan ku ta suak i no lubidá e siguiente palabranan ku Señor Hesus mes a bisa: “Duna ta hasi hende mas felis ku risibí!” ’

Mateo 6:12

i pordoná nos nos faltanan meskos ku nos ta pordoná esnan ku a falta ku nos;

Lukas 18:22

Ora Hesus a skuch'é, El a bisa: ‘Un kos so bo falta. Bai bende tur loke bo tin, duna hende pober e sèn i lo bo tin tesoro den shelu. Despues bin sigui Mi.’

Proverbionan 21:26

E ta bisa: ‘Duna mi, duna mi no! Mi ke mas!’ Pero un hende hustu tin semper pa duna.

Salmo 41:1

Felis ta esun ku ta kòrda riba pobernan: si kos ta malu p'e, Dios lo yud'é.

Proverbionan 19:17

Es ku demostrá amor pa hende pober ta honra SEÑOR, i SEÑOR lo pag'é pa loke el a hasi.

Lukas 12:33

Bende boso propiedat i duna hende pober e sèn; buska saku di plaka ku no ta bira bieu, yená ku rikesa inagotabel den shelu. Ladron no por yega serka dje ni mòt no por destruyé.

Lukas 11:41

Mihó boso duna loke ta den e beker i e tayó komo limosna, e ora ei tur kos lo bira puru pa boso!

Lukas 6:38

Duna i Dios lo duna boso; un bon midí, bon primí, bon sakudí, ku ta basha over, lo kai den boso skochi. Pasobra ku e midí ku boso midi otro hende, ku e mesun midí ei Dios lo midi boso.’

Mateo 18:35

Meskos asina, mi Tata ku ta den shelu, lo hasi ku kada un di boso, ku no pordoná su ruman di kurason.’

Predikador 8:16

Ora mi a pone mi pa konosé sabiduria i pa mira e tarea pisá akí riba mundu, e tarea akí di mata kurpa di dia i anochi sin sosegá nunka,

Proverbionan 22:9

Hende ku ke otro hende bon lo ta bendishoná, pasobra e ta kompartí kuminda ku hende pober.

Salmo 112:9

E ta parti ku man generoso pa esnan ku tin mester, e bon ku e ta hasi lo keda pa semper. Ku dignidat e ta hisa su kara na laria.

Efesionan 4:28

Esun ku tabata hòrta, mester stòp di hòrta i kuminsá gana su pan honradamente pa asina e por yuda esnan ku ta den nesesidat.

Predikador 11:2

Invertí bo propiedat den shete òf ocho negoshi; bo no sa nunka ki desaster por pasa riba mundu.

Mateo 5:39

Ma Ami ta bisa boso: No pleita un kaso di inhustisia. Ken ku dal bo na banda drechi di bo kara, bira bo otro band'i kara i lag'é dal bo ei tambe.

Lukas 6:29

Si un hende dal bo wanta riba un banda di kara, ofres'é e otro banda tambe. Anto si un hende kita bo bachi fo'i bo, dun'é bo kamisa tambe.

Lukas 6:31

Trata otro hende manera bo ke pa nan trata bo.