Lukas 18:14 - Papiamentu Bible 2013

¹⁴ Mi ta bisa boso: ta e kobradó di belasting ei a baha bai kas na bon ku Dios. Pasobra tur hende ku alsa su mes, lo keda humiliá, ma esun ku humiliá su mes, lo keda alsá.’

Beibel na Papiamentu Koriente 2013

¹⁴ Mi ta bisa boso: ta e kobradó di belasting ei a baha bai kas na bon ku Dios. Pasobra tur hende ku alsa su mes, lo keda humiliá, ma esun ku humiliá su mes, lo keda alsá.’

Lukas 18:14 Referans Kwoze

Lukas 14:11

Pasobra tur hende ku alsa su mes, lo ta humiliá, ma esun ku humiliá su mes, lo ta alsá!’

Lukas 16:15

Hesus a bisa nan: ‘Boso ta hasi pa boso keda hustu den bista di hende, ma Dios konosé boso kurason; loke hende ta duna mashá balor, ta abominabel den bista di Dios!

Hakobo 4:10

Humiliá boso den bista di Señor i lo E alsa boso.

Mateo 23:12

Ken ku alsa su mes, lo ta humiliá i ken ku humiliá su mes, lo ta alsá.

Proverbionan 29:23

Hende orguyoso ta kai, hende humilde ta haña honor.

Hakobo 4:6

Pero Dios ta bondadoso i ta duna nos hopi mas, manera Skritura ta bisa: ‘Dios ta resistí esnan orguyoso, pero E ta duna esnan humilde grasia.’

Lukas 1:52

El a basha gobernante for di nan trono i El a alsa e humildenan.

Salmo 138:6

Sí, maske SEÑOR ta elevá, E ta mira un hende humilde i djaleu ta vigilá un orguyoso.

Mateo 5:3

‘Felis esnan humilde di kurason; reino di shelu ta pa nan.

Isaías 57:15

Wèl, ata loke Dios altu i elevá ta bisa, e Dios ku tin nòmber santu i ta biba pa semper: ‘Mi ta biba den shelu, den santidat inalkansabel, pero tambe huntu ku esnan abatí i di kurason humilde. Mi ta duna nan speransa i kurashi di nobo!

Proverbionan 3:34

E ta hasi chèrchè di chèrchadónan orguyoso, pero humildenan E ta duna su grasia.

Job 25:4

Antó kiko un hende mester hasi awor, pa Dios deklar'é hustu? Kon un hende, nasé di muhé, por ta puru?

Galatanan 2:16

Sinembargo nos ta konsiente ku Dios no ta aseptá niun hende komo hustu pasobra nan ta kumpli ku lei, sino pa medio di fe den Hesu-Kristu. P'esei nos mes tambe a kere den Kristu-Hesus, pa Dios aseptá nos komo hustu pa medio di fe den Kristu i no pa medio di lei. Pasobra Dios no ta aseptá niun hende komo hustu dor ku el a kumpli ku lei.

Romanonan 4:5

Pero si un hende kere den Dios ku ta aseptá hende pekadó, Dios lo tene kuenta ku su fe i asept'é, ounke e no a hasi nada pa meresé esei.

Romanonan 3:20

Pasobra Dios no ta aseptá niun hende komo hustu, pa motibu ku e ta kumpli ku lei. Lei ta sirbi pa hasi nos konsiente ku nos ta pekadó.

Lukas 10:29

E eksperto di lei, ku ker a hustifiká su mes, a puntra Hesus: ‘Ma ken ta mi próhimo?’

Proverbionan 18:12

Tras di orguyo ta bini frakaso; pa risibí honor, mester ta humilde promé.

Proverbionan 15:33

Rèspèt di SEÑOR ta siña hende kon bira sabí, mester ta humilde promé ku risibí honor.

Job 22:29

Di eksperensia lo bo por duna otro hende ku ta den sirkunstansianan pisá, konseho, bisando: “Lant'ariba!” Dios lo salba hende humilde.

1 Samuel 1:18

‘Danki pa bo atenshon,’ Hana a rospondé i despues el a sali bai. Hana a kuminsá kome atrobe i riba su kara no tabatin tristesa mas.

Éksodo 18:11

Awor mi a haña sa ku SEÑOR ta mas poderoso ku tur otro dios. El a libra e pueblo for di e egipsionan, pasobra nan tabata trata e israelitanan ku despresio.’

Romanonan 8:33

Ken lo akusá esnan ku Dios a skohe? Ta Dios mes ta aseptá hende komo hustu.

Romanonan 5:1

Awor ku Dios a aseptá nos komo hustu pa medio di fe, nos tin pas ku Dios, pa medio di nos Señor Hesu-Kristu.

Daniel 4:37

P'esei ami, Nebukadnèsar, ta alabá, alsa i glorifiká e Rei di shelu! E ta hustu den tur su hasínan! Su kamindanan ta rekto! E tin asta poder pa humiliá orguyosonan.’

Isaías 53:11

Despues di tantu sufrimentu l'e mira lus i lo e ta satisfecho. SEÑOR ta bisa di dje: ‘Mi sirbidor konosé mi boluntat. Dor ku e mes ta inosente e ta libra hopi hende di piká, pasobra e ta tuma nan maldat riba su lomba.

Isaías 45:25

Pero tur desendiente di Yakob lo haña nan derecho serka djE i esei lo pone nan gab'É.

Job 9:20

Ounke mi ta inosente mi mes boka ta kondená mi. Ounke mi ta sin falta, e ta proba ku mi ta kulpabel.

Habakuk 2:4

T'esaki bo mester skibi: Hende ku su kabes a susha no ta salba su bida, pero hende hustu ta keda na bida, pasobra nan ta fiel na Señor.

Predikador 9:7

Bai, kome bo pan ku satisfakshon i bebe bo biña, kurason kontentu, pasobra si un hende por hasi esaki, e tin Dios su bendishon mashá ten.

Salmo 143:2

No pone bo sirbiente duna kuenta, Bo dilanti ningun hende no ta limpi.

Isaías 66:2

Tur loke boso ta mira ta Mi propio man a traha, tur kos ta eksistí danki na Mi, t'esei Mi ta bisa boso. Ami ta pone atenshon riba hende humilde ku kurason arepentí, riba hende ku ta skucha mi palabra ku temor.

Proverbionan 25:7

Ta mihó rei bisa bo: ‘Subi bini akí’, ku e humiliá bo den presensia di e dignatario ku bo a mira einan.