Lukas 16:9 - Papiamentu Bible 2013

⁹ Tambe Mi ta bisa boso: sera amistat ku yudansa di plaka deshonesto, pasobra ora esei faya boso, nan lo risibí boso den kas eterno.

Beibel na Papiamentu Koriente 2013

⁹ Tambe Mi ta bisa boso: sera amistat ku yudansa di plaka deshonesto, pasobra ora esei faya boso, nan lo risibí boso den kas eterno.

Lukas 16:9 Referans Kwoze

Mateo 19:21

Hesus a bis'é: ‘Si bo ke ta perfekto, bai bende bo propiedatnan, duna pober e sèn i lo bo tin tesoro den shelu. Despues bin sigui Mi.’

Mateo 6:24

Niun hende no por sirbi dos shon, pasobra lo e odia esun i stima e otro. Lo e pega un na su kurason i menospresiá e otro. Ta imposibel sirbi Dios i plaka tambe.

Daniel 4:27

P'esei, mahestat, por fabor, skucha mi konseho: praktiká hustisia i no peka mas; pone un fin na maldat i yuda pobernan. Kisas asina lo bo sigui biba na pas i den trankilidat.”

Lukas 16:11

Si boso no tabata di konfia ku rikesa deshonesto di e mundu akí, ken por konfia boso ku e rikesa berdadero?

Proverbionan 19:17

Es ku demostrá amor pa hende pober ta honra SEÑOR, i SEÑOR lo pag'é pa loke el a hasi.

Lukas 14:14

Lo ta un legria pa bo ku nan no por hasi nada bèk. Pasobra lo bo haña bo rekompensa dia e hustunan lanta fo'i morto.’

Lukas 12:33

Bende boso propiedat i duna hende pober e sèn; buska saku di plaka ku no ta bira bieu, yená ku rikesa inagotabel den shelu. Ladron no por yega serka dje ni mòt no por destruyé.

Lukas 11:41

Mihó boso duna loke ta den e beker i e tayó komo limosna, e ora ei tur kos lo bira puru pa boso!

2 Korintionan 4:17

E sufrimentu ku nos ta pasa den e bida akí, ta pasahero i no ta pisá, pero e ta trese komo resultado un gloria sin límite i duradero pa nos.

Lukas 16:13

Niun katibu di kas no por sirbi dos shon, pasobra òf e ta odia esun i stima e otro, òf e ta pega un na su kurason i menospresiá e otro. Boso no por sirbi Dios i plaka pareu.’

Echonan 10:31

i bisa: “Kornelio, Dios a skucha bo orashonnan i E no a lubidá bo yudansa na pober.

Mateo 6:19

No montoná rikesa riba mundu kaminda mòt i frus ta kome nan i ladron ta kibra drenta hòrta nan.

Hudas 1:21

Keda den e amor ku Dios tin pa boso, miéntras boso ta warda pa nos Señor Hesu-Kristu mustra boso mizerikòrdia i duna boso bida eterno.

Echonan 10:4

Yen di miedu el a fiha su bista riba e angel i kontest'é: ‘Bo sirbidó!’ E angel a bis'é: ‘Dios a aseptá bo orashonnan i bo yudansa na pober.

Predikador 11:1

Tira bo pan riba awa, un dia lo bo hañ'é bèk.

Proverbionan 23:5

Pasobra plaka tin ala, e ta disparsé for di bo bista manera un makuaku ta subi bai laria.

Isaías 57:16

Mi no ta keda akusá, ni Mi no ta keda rabiá pa semper. Si esaki tabata e kaso mi rabia lo a kaba ku nan, pero n' t'Ami mes a duna nan rosea di bida?

Salmo 73:26

Maske mi kurpa i kurason por sukumbí Dios ta semper mi baranka, E ta mi poseshon, mi n' por pèrd'É.

Lukas 16:4

Ahan! Mi sa kiko mi tin ku hasi pa sigurá ku ora e kita mi for di mi posishon, algun hende lo risibí mi den nan kas.”

Proverbionan 14:24

Korona di hende sabí ta nan rikesa, pero korona di hende bobo ta nan bobedat.