Lukas 16:20 - Papiamentu Bible 2013

²⁰ Na porta di su kas, tabatin un hòmber pober, yamá Lázaro, drumí. Lázaro su kurpa tabata habrí na yaga.

Beibel na Papiamentu Koriente 2013

²⁰ Na porta di su kas, tabatin un hòmber pober, yamá Lázaro, drumí. Lázaro su kurpa tabata habrí na yaga.

Lukas 16:20 Referans Kwoze

Echonan 3:2

Einan tabatin un hòmber ku tabata lam fo'i su nasementu. Tur dia tabata karg'é hiba na e entrada di tèmpel ku yama ‘Bunita’, pa e por a pidi e hendenan ku tabata bai den tèmpel limosna.

Hakobo 2:5

Mi rumannan stimá, skucha mi! Dios a skohe hende pober riba e mundu akí pa ta riku den fe i tuma parti na e reino ku El a primintí esnan ku ta stim'É.

Hakobo 1:9

E ruman den fe sin moda mester ta kontentu ku e tin gran balor

Lukas 16:21

E tabatin gana di mata su hamber ku loke tabata kai for di e hòmber riku su mesa, ma ta kachó tabata bin lembe su yaganan.

Job 2:7

Pues satanas a kita bai for di presensia di SEÑOR i laga Job su kurpa habri tur na yaga, di su plench'i kabes te su plant'i pia.

1 Samuel 2:8

SEÑOR ta lanta hende débil for di suela i hende pober E ta saka for di monton di sushi, pa pon'é sinta meimei di e grandinan i lag'é okupá un lugá di honor. Pasobra fundeshi di tera ta pertenesé na SEÑOR, riba dje El a konstruí mundu.

Yeremías 8:22

No a sobra mas salfi, ni no por haña niun dòkter mas na Guilead? Ta kon bini antó mi pueblo stimá no a haña kura?

Isaías 1:6

Di plant'i pia te punt'i kabes no tin niun parti no kubrí ku herida, sla i yaga, sin man pa limpia ni mara nan, ni fria nan doló ku salfi.

Salmo 73:14

miéntras mi ta tormentá henter dia i ta mortifiká tur mainta?

Salmo 34:19

Un hende hustu ta haña hopi sla, ma SEÑOR ta salb'é di tur esei.

Huan 11:1

Un sierto hòmber, yamá Lázaro, a bira malu. E tabata biba na Betania, e pueblo kaminda Maria i Marta, ruman muhé di Maria, tabata biba.

Mateo 26:71

Pedro a bai na porta di entrada i un otro kriá ku a mir'é, a bisa e hendenan pará eibanda tambe: ‘E hòmber akí tabata huntu ku Hesus di Nazarèt!’

Lukas 16:19

Un dia tabatin un hòmber riku. Su pañanan tabata di púrpura i di lenen fini; e tabata tene fiesta ku kosnan luhoso tur dia.