Lukas 1:3 - Papiamentu Bible 2013

³ Ami tambe a haña bon di skibi un historia ordená pa bo, despues di a investigá tur kos kuidadosamente for di un prinsipio.

Beibel na Papiamentu Koriente 2013

³ Ami tambe a haña bon di skibi un historia ordená pa bo, despues di a investigá tur kos kuidadosamente for di un prinsipio.

Lukas 1:3 Referans Kwoze

Echonan 1:1

Teófilo, den mi promé buki mi a skibi tokante tur kos ku Hesus a hasi i siña, for di tempu ku El a kuminsá

Echonan 26:25

Pablo a kontest'é: ‘Su Ekselensia Festos, no ta loko mi ta; al kontrario, loke mi ta papia ta pura bèrdat.

Echonan 24:3

Tur ora i tur kaminda nos ta rekonosé esei ku un gratitut sin límite.

Echonan 23:26

‘Di Klaudio Lisias pa su Ekselensia Gobernador Feliks. Saludo!

Echonan 11:4

Pedro a tuma palabra i splika nan na plaka chikí loke a pasa:

Echonan 15:19

Hakobo a sigui bisa: ‘P'esei mi ta di opinion ku no mester imponé un karga difísil riba esnan no hudiu ku aseptá Señor.

1 Korintionan 16:12

Pa loke ta trata nos ruman Apolo, mi a rog'é mashá pa e bai bishitá boso huntu ku e rumannan. Pero el a nenga redondamente di bini awor akí; lo e hasié, ora e haña oportunidat.

1 Korintionan 7:40

Ounke mi mes ta pensa ku lo e ta mas felis si e no kasa mas. Esei ta mi opinion i mi ta kere ku mi tambe tin Spiritu di Dios!

Salmo 50:21

Eseinan ta loke bo a hasi, anto Ami lo mester keda ketu? Bo ta kere ku Mi ta manera bo? Lo Mi keha bo, konfrontá bo ku tur kos.

Echonan 15:28

Spiritu Santu i nos a disidí ku no mester imponé niun karga mas pisá riba boso ku no ta e siguiente reglanan nesesario akí.

Echonan 15:25

P'esei unánimemente nos a disidí di skohe algun hende i manda nan serka boso huntu ku nos kerido Pablo i Barnabas,

Lukas 1:1

Distinguido Teófilo, Hopi hende a hasi esfuerso pa traha un kompilashon di e kosnan ku a sosodé meimei di nos.

Predikador 12:9

Predikador tabata un hende sabí, komo el a skucha proverbio, profundisá den nan i a presentá nan na un manera organisá, el a siña pueblo hopi kos.

Salmo 40:5

Esta hopi milager Bo a hasi, SEÑOR, mi Dios! Hopi plan Bo a traha pa nos: hende no por igualá Bo. Si mester papia i konta di nan, nan ta mas ku mi por menta.

Proverbionan 22:21

pa siña bo konosé e bèrdat, pa bo por duna esnan ku mi manda pa bo un bon kontesta.

Echonan 18:23

El a keda un temporada aya. Despues Pablo a bolbe bai for di Antiokia. El a biaha di un lugá pa otro den region di Galasia i Frigia. Tur kaminda ku e yega e tabata kurashá e disipelnan.

1 Timoteo 4:6

Si bo presentá e instrukshonnan akí na e rumannan, bo ta un bon sirbidó di Kristu-Hesus, alimentá pa e doktrina di nos fe i di e siñansa korekto ku bo ta sigui.