Levítiko 26:7 - Papiamentu Bible 2013

⁷ Boso lo persiguí boso enemigunan, i tumba nan ku spada.

Beibel na Papiamentu Koriente 2013

⁷ Boso lo persiguí boso enemigunan, i tumba nan ku spada.

Levítiko 26:7 Referans Kwoze

Levítiko 26:6

Lo Mi laga trankilidat reina den boso pais, di moda ku ora boso ta drumi, niun hende no ta bin stroba boso. Lo Mi kore ku bestia feros for di boso pais. Lo no tin guera den boso pais.

Levítiko 26:8

Sinku di boso lo ta sufisiente pa pone shen enemigu hui, shen di boso lo persiguí shen mil i tumba nan ku spada.

Deuteronomio 32:30

Kon ún di nan lo por kore ku míles di nos òf dos di nan ku dies mil, si SEÑOR no a laga nos kai, si E, ku ta nos Baranka, no a entregá nos?

Ester 9:16

E hudiunan ku tabata biba otro kaminda den e provinsianan di e reino a reuní riba dia diestres di luna di Adar, pa nan defendé nan bida. Asina nan a skapa di nan enemigunan. Nan a mata 75.000 enemigu sin mishi ku nan propiedat. Dia dieskuater nan a sosegá i nan a hasi e dia ei un dia di komementu i di alegria.

Levítiko 26:36

Loke ta trata esnan di boso ku a keda na bida den e paisnan di nan enemigunan, lo Mi yena nan ku spantu: e simpel zonido di un blachi ku ta move den bientu ta pone nan hui; nan lo hui manera ta enemigu armá ta persiguí nan i kai asta ora no tin ningun hende ta persiguí nan.

Deuteronomio 28:7

Si boso enemigunan ataká boso, SEÑOR lo derotá nan i entregá nan na boso. Nan lo ranka sali manera un solo ehérsito kontra boso, pero hui nan lo hui den diferente direkshon.

Yozue 23:10

Un di boso ya tabata basta pa persiguí mil enemigu, pasobra SEÑOR, boso Dios, mes tabata bringa pa boso, manera El a primintí.

Huesnan 4:16

Entretantu Barak a persiguí e garoshinan i e sòldánan te na Haroshèt-Hagoim. E dia ei ningun sòldá di Sísera no a keda na bida: tur a muri. Ku spada e sòldánan di Barak a mata tur.

Huesnan 7:23

E ora ei Gideon a yama e israelitanan di e tribunan di Naftali, di Asher i di henter Manase, pa nan persiguí e midianitanan.

Huesnan 15:15

Eibanda el a topa kakumbein di un buriku ku no tabatin hopi dia morto. El a pasa man kohe e kakumbein i bati mil hòmber mata kuné.

1 Samuel 14:13

Yonatan a subi riba man ku pia, su ayudante a subi su tras. E sòldánan ku Yonatan tabata dal basha abou su ayudante ku tabata bini su tras tabata mata.

1 Krónikanan 19:15

Ora e amonitanan a mira ku e arameonan a hui, nan tambe a hui pa Abshai, ruman di Yoab, i nan a retirá den siudat. Despues Yoab a regresá Herusalèm.

Salmo 81:15

Nan ku ta odia SEÑOR lo a trastia kunÉ, ma nan kastigu lo a dura pa semper.