Levítiko 26:4 - Papiamentu Bible 2013

⁴ lo Mi manda áwaseru na ora di mester, pa tera duna kosecha i palu di fruta pari.

Beibel na Papiamentu Koriente 2013

⁴ lo Mi manda áwaseru na ora di mester, pa tera duna kosecha i palu di fruta pari.

Levítiko 26:4 Referans Kwoze

Zakarías 8:12

‘Simia lo krese bon, mata di wendrùif lo karga fruta, tera lo produsí kosecha i shelu lo duna serena. Tur esei Mi ta duna esnan ku a sobra despues di e eksilio.

Salmo 67:6

Tera a duna su kosecha: Dios, nos Dios, ker a duna bendishon.

Ezekiel 36:30

Mi ta laga palunan karga hopi fruta i laga kunukunan produsí kosecha abundante; asina boso no tin mester di soportá chèrchè pasobra boso ta sufri hamber.

Isaías 30:23

Anto SEÑOR lo manda áwaseru p'e simia den boso tera; kuminda ku boso kunuku produsí lo ta abundante i sukulento. E tempu ei boso bakanan lo kome yerba di kunukunan ekstenso.

Job 5:10

E ta manda yobida riba mundu, laga awa kai riba kunukunan;

Deuteronomio 28:12

Lo E habri shelu, su kamber di tesoro, pa boso. Na tempu áwaseru lo kai riba boso kunukunan i su bendishon lo baha riba tur boso trabou. Boso lo duna préstamo na hopi nashon, pero boso mes lo no tin nodi di pidi préstamo.

Deuteronomio 11:14

lo E perkurá na tempu, trempan i lat den aña, pa áwaseru riba e kunukunan. Boso lo kosechá trigo, wendrùif i oleifi

Levítiko 25:21

Ta asina ku Ami, SEÑOR, lo bendishoná tera di tal manera den e di seis aña ku lo e produsí pa tres aña.

Echonan 14:17

ounke E no a laga nan sin ningun prueba di su eksistensia i bondat; for di shelu E ta manda awa pa boso i E ta duna boso kosecha na tempu. E ta duna kuminda i yena boso kurason ku felisidat.’

Mateo 5:45

E ora ei boso lo bira yu di boso Tata den shelu, pasobra E ta laga su solo sali tantu riba mal hende komo riba bon hende i ta laga awa kai tantu riba hende hustu komo riba hende inhustu.

Salmo 85:12

Ademas SEÑOR lo duna bonansa i nos tera lo duna kosecha.

Salmo 68:9

Bo a basha un yobida di fabor, o Dios, Bo a duna bo pueblo heredero forsa nobo ora e tabata tur rendí.

Revelashon 11:6

Nan tin poder pa sera shelu, di manera ku awa no ta kai den e tempu ku nan ta profetisá. Tambe nan tin poder riba awa pa kambi'é den sanger, i poder pa afektá mundu ku tur sorto di plaga, mes tantu bia ku nan ke.

Hakobo 5:7

Rumannan, tene pasenshi antó te dia Señor bini. Wak ku kuantu pasenshi un kunukero ta warda pa su kunuku produsí kosecha presioso! E sa ku e mester warda te ora e promé i e delaster tempu di awa pasa.

Yeremías 14:22

Akaso niun di e diosnan falsu dje pueblonan por laga awa yobe, o shelu riba su mes por manda áwaseru? Nò, t'Abo so por. Den Bo nos ta pone nos konfiansa, pasobra t'Abo ta hasi tur e kosnan ei.’

Isaías 5:6

Lo mi lag'é bira mondi será kaminda no ta snui ni ranka yerba mas. L'e bira un kama di sumpiña i bringamosa. Lo mi prohibí nubianan di manda awa riba dje.’

Salmo 104:13

Bo ta laga awa yobe riba seru fo'i den bo salanan altu na shelu; tera ta yena di fruta di bo obranan.

1 Reinan 17:1

Profeta Elías di Tisbe den Guilead a bisa Ahab: ‘Mi ta hura pa SEÑOR, e Dios bibu di Israel, ku mi ta sirbi, ku ni serena ni awa lo no kai den e añanan ku ta bini, ku no ta te ora mi bisa.’

Levítiko 25:19

E tera lo produsí kosecha basta abundante pa boso haña kome i biba trankil einan.

Deuteronomio 11:13

Si boso obedesé kuidadosamente e mandamentunan ku mi ta duna boso awe, boso keda fiel na SEÑOR, boso Dios, sirbiÉ ku henter boso kurason i henter boso alma,

Salmo 67:7

Sí, Dios manda bendishon pa nos; laga tur skina di mundu respet'É!

Salmo 85:13

Hustisia lo marcha su dilanti i lo habri kaminda pa su pasonan.

Yoel 2:22

No tene miedu, bestianan, pasobra kunukunan ta bira bèrdè atrobe. Ta bolbe bini fruta na palu, palunan di figo i matanan di wendrùif ta produsí kosecha abundante.