Levítiko 16:24 - Papiamentu Bible 2013

²⁴ E ta dal un baño den un lugá sagrado i bolbe bisti su otro pañanan. E ta bai ofresé e dos sakrifisionan di kandela pa e mes i pa e pueblo. Asina e ta drecha tur kos atrobe entre e i e pueblo i Dios.

Beibel na Papiamentu Koriente 2013

²⁴ E ta dal un baño den un lugá sagrado i bolbe bisti su otro pañanan. E ta bai ofresé e dos sakrifisionan di kandela pa e mes i pa e pueblo. Asina e ta drecha tur kos atrobe entre e i e pueblo i Dios.

Levítiko 16:24 Referans Kwoze

Hebreonan 9:10

Ta trata únikamente di alimento, bibida i sierto seremonia di purifikashon, ku ta regla eksterno i ku tin balor solamente te dia Dios kambia nan pa algu mihó.

Levítiko 22:6

E saserdote ku por tabatin kontakto asina, ta keda impuru te ora nochi sera; e no mag kome for di e ofrendanan sagrado ku no ta despues ku el a dal su kurpa un baño.

Levítiko 14:9

Riba e di shete dia e ta bolbe feita e kabeinan riba su kabes, su barba, su sehanan i sobrá kabei na su kurpa. Despues e ta laba su pañanan i dal un baño. Awor el a bira puru atrobe.

Éksodo 28:40

Traha tambe toga, faha i tùlbant sin adorno pa e yu hòmbernan di Aaron paña mashá nèchi ku ta pone hende respetá nan.

Éksodo 28:41

Bisti bo ruman Aaron i su yu hòmbernan e pañanan akí, kaba basha zeta perfumá riba nan i konsagrá nan na Mi pa nan bira mi saserdote.

Levítiko 16:25

E ta kima sebu di e bestianan ofresé komo sakrifisio pa pordon di piká riba altá.

Levítiko 9:7

Despues el a bisa Aaron: ‘Bai altá i ofresé e sakrifisio pa pordon di piká di bo mes i bo mes sakrifisio di kandela; asina bo ta drecha tur kos atrobe entre abo i Dios i entre e pueblo i Dios. Ofresé despues e sakrifisionan di e pueblo i bolbe drecha tur kos entre nan i Dios, manera SEÑOR a ordená.’

Ezekiel 42:14

Si e saserdotenan a drenta e tèmpel, nan no mag sali for di einan bai derechitu e plenchi parti pafó. Promé nan mester kita e pañanan sagrado den kua nan a tene sirbishi i bisti otro. E ora ei numa nan mag bai e lugá ku ta destiná pa e pueblo.’