Lamentashonnan 3:26 - Papiamentu Bible 2013

²⁶ P'esei ta mihó keda ketu i spera riba yudansa di SEÑOR.

Beibel na Papiamentu Koriente 2013

²⁶ P'esei ta mihó keda ketu i spera riba yudansa di SEÑOR.

Lamentashonnan 3:26 Referans Kwoze

Salmo 37:7

Warda trankil loke SEÑOR lo hasi, sigui sper'É: E ta yuda. No kunsumí ku un hende ku tin éksito, e hòmber ku ta traha ku intriga.

Salmo 37:34

Konfia SEÑOR i sigui su kaminda, anto lo E duna bo honor i lo hasi bo doño di e Tera; lo bo mira malechornan destruí.

Salmo 130:5

Mi ta warda, warda so riba SEÑOR, mi tin fe den su palabra.

Hebreonan 10:35

No pèrdè konfiansa antó, pasobra Dios lo rekompens'é rikamente.

Génesis 49:18

O SEÑOR Dios, mi ta spera bo salbashon!

1 Pedro 1:13

P'esei sea prepará i huisioso. Spera tur ku tin riba loke Dios lo duna boso den su grasia, dia Hesu-Kristu bini bèk.

Hebreonan 3:14

Pasobra nos tin parti na Kristu, si nos mantené e konfiansa ku nos tabatin na prinsipio, te na final.

Isaías 30:15

Pasobra SEÑOR, Dios Santu di Israel, a bisa boso: ‘Boso lo ta salbá, solamente si boso bolbe serka Mi i keda trankil. Boso úniko forsa ta sintá den keda kalmu i konfia den Mi. Pero boso no ke esei.

Salmo 119:166

SEÑOR, mi t'anhelá bo salbashon, loke Bo manda mi ta hasi.

Salmo 119:174

Mi t'anhelá bo salbashon, o SEÑOR, bo lei ta mi enkanto.

2 Krónikanan 20:17

Pero boso no mester bringa kontra nan. Al kontrario, posishoná boso na un distansia i wak kon Ami ta duna boso viktoria. Habitantenan di Huda i Herusalèm, no tene miedu, no laga nan hinka miedu den boso! Mañan boso mester ranka sali kontra nan, Ami, SEÑOR ta ku boso!” ’

Salmo 54:6

Lo mi ofresé Bo un sakrifisio boluntario i lo mi alabá bo nòmber, sí, SEÑOR, pasobra e ta bon:

Salmo 52:9

Mi ke alabá Bo eternamente, pasobra Abo a hasié, i proklamá bo nòmber glorioso den presensia di bo fielnan.

Salmo 73:28

Pa loke ta toka ami mihó mi keda serka Dios; serka SEÑOR Dios mi tin mi refugio. Laga mi proklamá tur bo obranan!

Galatanan 4:18

Ta bunita bringa pa un bon kousa, pero hasié tur ora, no solamente ora mi t'ei!

Isaías 30:7

Yudansa di Egipto ta bashí manera bientu. P'esei Ami, Señor, ta yam'é: “E mònster ku n' por move.” ’

Salmo 92:1

Ta dushi pa alabá SEÑOR, pa kanta gloria di bo nòmber, o Altísimo;

Éksodo 14:13

Pero Moises a kontestá nan: ‘No tene miedu! Wanta duru! Paga tinu na loke SEÑOR ta bai hasi awor pa salba boso, pasobra boso no ta weta e egipsionan ku boso weta awe nunka mas.

Isaías 7:4

Bisa rei: “Dominá bo i keda trankil; no tene miedu i no kobardiá pa e furia ardiente di Resin ku su sirionan i e yu di Remaliahu ei. Nan ta manera dos kabitu di flambeu; ta blo huma so nan ta saka.

Yeremías 14:22

Akaso niun di e diosnan falsu dje pueblonan por laga awa yobe, o shelu riba su mes por manda áwaseru? Nò, t'Abo so por. Den Bo nos ta pone nos konfiansa, pasobra t'Abo ta hasi tur e kosnan ei.’

Lamentashonnan 3:27

Ta bon pa hende siña karga peso fo'i den su hubentut.

Éksodo 14:14

SEÑOR ta bringa pa boso, boso no tin mester di hasi nada.’

Salmo 62:2

E so ta mi baranka i salbashon, mi fòrti — nunka lo mi no tambaliá!

Habakuk 2:3

E revelashon ta tarda sí pa keda kumplí, pero e tempu stipulá ta kore yega sigur i lo e no resultá un mensahe falsu. Maske kuantu e dura, sigui spera. Loke Mi ta bai revelá ta bini sigur i no ta yega lat.