Lamentashonnan 3:23 - Papiamentu Bible 2013

²³ Tur mainta nan ta nobo atrobe. Señor, esta grandi bo fieldat ta!

Beibel na Papiamentu Koriente 2013

²³ Tur mainta nan ta nobo atrobe. Señor, esta grandi bo fieldat ta!

Lamentashonnan 3:23 Referans Kwoze

Hebreonan 10:23

Nos mester tene duru na loke nos ta spera i konfesá, pasobra Dios ku a hasi nos e promesanan ei, lo kumpli.

Salmo 30:5

pasobra su rabia ta dura djis un ratu, pero su kariño henter un bida largu. Si yora anochi, mainta tin legria.

Isaías 33:2

SEÑOR, tene piedat di nos, den Bo nos ta konfia. Sea nos forsa tur dia di nobo, nos salbashon den tempu di nesesidat.

Salmo 89:33

Ma lo Mi n' stòp di stima David, ni nenga mi fieldat n'e,

Salmo 36:5

Ma bo amor, SEÑOR, ta yega te na shelu, bo fieldat ta mas altu ku nubia;

Sofonías 3:5

Sinembargo e SEÑOR meimei di nan ta hustu, E no ta hasi maldat. Dia aden dia afó, sin falta E ta promulgá su dekretonan di hustisia. Pero e hendenan ei no tin bèrgwensa i ta sigui kometé inhustisia.

Salmo 146:6

kende a traha shelu i tera, laman i tur loke tin den dje, Dios ku ta fiel pa tur eternidat,

Éksodo 34:6

SEÑOR a pasa dilanti di Moises i a grita: ‘Ami ta SEÑOR, un Dios generoso, klemente, ku pasenshi, bondadoso i fiel.

Hebreonan 6:18

Ke men ku Dios a hasi dos kos irevokabel, esta un promesa i un huramentu, ku ta hasi imposibel p'E pa gaña nos; p'esei pa nos, ku ta buska nos refugio serka djE, nan ta un stimulashon fuerte pa sigui spera loke tin nos dilanti firmemente.

Tito 1:2

i tambe pa hende por tin speransa riba bida eterno. Dios, ku no ta gaña, a primintí e bida eterno ei promé ku kuminsamentu di tempu.

Salmo 36:6

bo hustisia parse serunan masivo, bo huisionan fondo di laman.