Kolosensenan 3:17 - Papiamentu Bible 2013

¹⁷ Den tur loke boso bisa òf hasi, boso mester honra nòmber di Señor Hesus, yamando Dios Tata danki pa medio di djE.

Beibel na Papiamentu Koriente 2013

¹⁷ Den tur loke boso bisa òf hasi, boso mester honra nòmber di Señor Hesus, yamando Dios Tata danki pa medio di djE.

Kolosensenan 3:17 Referans Kwoze

1 Korintionan 10:31

En todo kaso, sea ku boso ta kome òf bebe, hasi tur kos na honor di Dios.

Kolosensenan 3:23

Hasi tur kos di henter boso kurason, komo si fuera ta pa Señor boso ta traha i no pa hende.

Proverbionan 3:6

Tene kuenta kunÉ den tur loke bo hasi i lo E mustra bo e kaminda korekto.

Efesionan 5:20

Semper yama Dios Tata danki pa tur kos, den nòmber di nos Señor Hesu-Kristu.

1 Pedro 4:11

Si un hende a risibí e don di prediká, mester por tende Dios mes papia pa medio di dje. Si un hende a risibí e don di sirbi den iglesia, e mester sirbi ku e forsa ku Dios ta dun'é. Asina Dios ta haña gloria den tur kos pa medio di Hesu-Kristu. Na Dios ta pertenesé gloria i poder pa semper! Amèn.

1 Tesalonisensenan 5:18

yama Dios danki bou di tur sirkunstansia, pasobra esei ta loke Dios ta deseá di boso komo hende ku ta kere den Kristu.

1 Pedro 2:5

Asina Dios lo usa boso manera piedra bibu den konstrukshon di e kas spiritual i boso lo ta saserdote santu ku ta ofresé sakrifisio spiritual ku ta agradá Dios pa medio di Hesu-Kristu.

Hebreonan 13:15

Ban ofresé Dios pa medio di Hesus kontinuamente un sakrifisio di alabansa, esta e ofrenda ku nos lepnan ta ofres'É ora nos ta alabá su nòmber.

1 Huan 3:18

Mi yunan stimá, no laga nos stima ku boka i palabra so, ma laga nos stima di bèrdè mes, ku echo!

1 Pedro 2:9

Pero boso ta un pueblo skohí, saserdote real, un nashon konsagrá na Dios, propiedat di Dios mes, skohí pa proklamá e obranan magnífiko di Dios ku a yama boso pa sali for di skuridat i drenta den su lus maravioso.

Mikéas 4:5

Maske tur pueblo biba dediká na nan mes dios, nos sí lo kana semper den nòmber di SEÑOR, nos Dios.

Filipensenan 2:11

I nan tur konfesá ku Hesu-Kristu ta Señor, pa gloria di Dios Tata.

Echonan 4:30

Rèk bo man pa kura i laga kos maravioso i milager sosodé pa medio di Nòmber di Hesus, bo sirbidó santu.’

2 Tesalonisensenan 2:17

animá i fortalesé boso kurason pa semper boso hasi i papia loke ta bon.

Filipensenan 1:11

i boso lo ta kargá ku fruta di un bida hustu, debí na Hesu-Kristu, pa alabansa i gloria di Dios.

Echonan 19:17

Tur e habitantenan di Éfese, tantu hudiu komo no hudiu, a haña sa kiko a pasa. Un miedu a poderá di nan i nòmber di Señor Hesus tabata haña gran honor.

Kolosensenan 1:12

Gradisí Tata ku legria, pasobra El a prepará boso pa tuma parti na e benefisionan ku E ta warda den reino di lus pa e pueblo santu.

Efesionan 1:17

i ta pidi Dios di nos Señor Hesu-Kristu, e Tata glorioso, pa duna boso Spiritu di sabiduria i di konosementu berdadero di Dios.

Kolosensenan 2:7

Sòru pa boso ta ankrá profundamente den djE i laga E ta fundeshi di boso bida. Keda firme den e fe ku a siña boso i laga palabra di gradisimentu na Dios brota sali for di boso boka.

Mateo 28:19

Bai antó i hasi hende den tur nashon mi disipel: batisá nan den nòmber di Tata, di Yu i di Spiritu Santu

1 Huan 2:23

Pasobra esun ku nenga e Yu no tin e Tata tampoko; esun ku deklará su mes na fabor di e Yu, tin e Tata tambe.

Romanonan 1:8

Na promé lugá mi ta gradisí mi Dios pa medio di Hesu-Kristu pa boso tur, ya ku henter mundu ta papia di boso fe.

Hebreonan 1:5

Pasobra nunka Dios a yega di bisa niun angel: ‘Bo ta mi Yu; awe Mi a duna Bo bida,’ ni tampoko: ‘Ami lo ta un Tata p'E i E lo ta un Yu pa Mi.’

1 Tesalonisensenan 1:1

Esaki ta karta di Pablo, Silas i Timoteo pa e iglesia na Tesalónika ku ta pertenesé na Dios Tata i na nos Señor Hesu-Kristu. Grasia i pas sea ku boso.

1 Reinan 18:32

Ku e diesdos piedranan Elías a traha un altá na honor di SEÑOR. Rònt di e altá el a koba un roi ku por a karga bintisinku kana di maishi.

Kolosensenan 3:15

Laga e pas di Kristu guia boso kurason; pasobra ta pa haña e pas ei mes, Dios a yama boso pa huntu boso forma ún kurpa. Sea gradesido na Dios!