Kolosensenan 3:1 - Papiamentu Bible 2013

¹ Unabes ku boso a lanta for di morto huntu ku Kristu, dirigí boso bida riba loke ta den shelu, kaminda E ta sintá na man drechi di Dios.

Beibel na Papiamentu Koriente 2013

¹ Unabes ku boso a lanta for di morto huntu ku Kristu, dirigí boso bida riba loke ta den shelu, kaminda E ta sintá na man drechi di Dios.

Kolosensenan 3:1 Referans Kwoze

Romanonan 8:6

I e moda di pensa, dominá pa mal deseo, ta hiba na morto, pero esun dominá pa loke ta di Spiritu Santu ta hiba na bida i pas.

Mateo 6:33

Buska reino di Dios i buska pa hasi su boluntat promé i boso ta haña tur e sobrá kosnan akí aserka.

2 Korintionan 4:18

Nos bista no ta fihá riba loke ta visibel, pero riba loke ta invisibel. Loke ta visibel ta pa un tempu so, pero loke ta invisibel ta dura pa semper.

Kolosensenan 3:2

Empeñá pa kos di shelu i no pa kos di e mundu akí.

Mateo 6:20

Montoná rikesa den shelu, einan ni mòt ni frus no por kaba ku nan, ni ladron no por kibra drenta hòrta nan.

Hebreonan 12:2

Laga nos tene nos bista fihá riba Hesus, ku a bai nos dilanti riba e kaminda di fe i ku lo hiba nos tambe na final di e kaminda. Hesus a sufri na krus, sin a sinti bèrgwensa di e morto akí, pasobra E tabata sa ku despues di e sufrimentu akí lo El a haña alegria; i awor E ta sintá na man drechi di trono di Dios.

Lukas 12:33

Bende boso propiedat i duna hende pober e sèn; buska saku di plaka ku no ta bira bieu, yená ku rikesa inagotabel den shelu. Ladron no por yega serka dje ni mòt no por destruyé.

Salmo 16:11

Bo ta siña mi ki kaminda ta hiba pa bida, abundansia di legria kaminda Bo ta, goso banda di Bo pa tur eternidat.

Hebreonan 1:3

Den djE gloria di Dios ta resplandesé, E ta semehansa di Dios su ser. Pa medio di su palabra poderoso E ta mantené tur kos. Despues ku El a hasi posibel ku piká por keda pordoná, El a tuma lugá na man drechi di e Mahestat den shelu.

Lukas 22:69

Ma di awe padilanti, Yu di hende lo ta sintá na man drechi di Dios, ku tin poder.’

Kolosensenan 2:20

Boso a muri huntu ku Kristu i keda librá di e podernan spiritual ku ta dominá mundu. Pakiko antó boso ta obedesé sierto regla komo si fuera boso ta pertenesé na e mundu akí ainda? Regla manera:

Hebreonan 8:1

Loke nos ke bisa ta: komo gransaserdote nos tin un persona ku ta sintá na man drechi di trono di Mahestat dibino den shelu.

Romanonan 8:34

Ken lo riska kondená nan? Niun hende! Kristu-Hesus ta e úniko hende ku no solamente a muri, pero tambe a lanta for di morto pa nan. E ta Esun ku ta sintá na man drechi di Dios i ta intersedé pa nos!

Hebreonan 10:12

Kristu sinembargo a ofresé un solo sakrifisio pa piká i despues a kai sinta pa semper na man drechi di Dios.

Mateo 26:64

Hesus a kontest'é: ‘Manera bo di! For di awe, boso lo mira e Yu di hende sintá na man drechi di Dios Poderoso i biniendo riba e nubianan na shelu.’

Efesionan 4:10

Ke men ku Esun ku a baha bini abou, ta Esun ku a subi bai ariba, pasa shelu sigui bai i yena tur kos den universo kompletamente.

Marko 14:62

Hesus a kontest'é: ‘Sí, t'Ami t'E! Boso lo mira Yu di hende sintá na man drechi di Dios Poderoso i biniendo riba e nubianan na shelu.’

Hebreonan 1:13

Pero E no a yega di bisa niun angel nunka: ‘Sinta Bo aki na mi man drechi, miéntras Mi ta hasi bo enemigunan un banki pa bo pia sosegá.’

Echonan 2:34

David mes no a subi bai shelu; e mes ta bisa: “Señor Dios a bisa mi Señor: Sinta aki na mi man drechi,

Lukas 20:42

Pasobra David mes ta bisa den e buki di Salmo: “Señor Dios a bisa mi Señor: Sinta na mi man drechi,

Marko 16:19

A tuma Hesus den shelu despues ku El a kaba di papia ku nan i El a bai sinta na man drechi di Dios.

Marko 12:36

David mes, guiá pa Spiritu Santu, ta bisa: “Señor Dios a bisa mi Señor: Sinta Bo na mi man drechi, te ora Mi pone bo enemigunan na bo pia.”

1 Pedro 3:22

ku a subi bai shelu i ta sintá na man drechi di Dios, despues ku tur angel, outoridat selestial i poder a keda someté n'E.

Echonan 7:55

Ma Esteban, yená ku Spiritu Santu, a hisa kara wak shelu i a mira gloria di Dios i el a mira Hesus pará einan na man drechi di Dios.

Mateo 22:44

“Señor Dios a bisa mi Señor: Sinta Bo na mi man drechi, te ora Mi pone bo enemigunan na bo pia.”

Proverbionan 15:24

Kaminda di bida ta subi bai ariba i libra e sabí di baha den reino di morto.

Salmo 110:1

SEÑOR a bisa mi shon: ‘Sinta bo aki na mi man drechi, miéntras Mi ta hasi bo enemigunan un banki pa bo pia sosegá.’

Predikador 10:2

Mente di hende sabí ta inkliná na kos bon, pero esun di hende bobo ta inkliná na kos malu.

Efesionan 5:22

Señoranan, someté boso na boso esposo, manera boso ta someté boso na Señor!