Kolosensenan 2:18 - Papiamentu Bible 2013

¹⁸ No preokupá tampoko antó, ora sierto hende kondená boso, hende ku ta kana broma ku nan ta humiliá nan mes, ku nan ta adorá angel i mira vishon ekstátiko. Hende asina ta broma ku un manera di pensa humano, pero e no tin niun motibu pa hasi esei!

Beibel na Papiamentu Koriente 2013

¹⁸ No preokupá tampoko antó, ora sierto hende kondená boso, hende ku ta kana broma ku nan ta humiliá nan mes, ku nan ta adorá angel i mira vishon ekstátiko. Hende asina ta broma ku un manera di pensa humano, pero e no tin niun motibu pa hasi esei!

Kolosensenan 2:18 Referans Kwoze

Kolosensenan 2:8

Tene kuidou pa niun hende no sedusí boso ku teoria bashí i engañoso ku ta basá riba tradishon di hende. E teorianan ei ta bini di e podernan spiritual ku ta dominá mundu i no di Kristu.

1 Timoteo 1:7

Nan ke ta maestro di Lei, kaba nan no ta komprondé ni loke nan mes ta papia, ni tampoko loke nan ta siña otro hende ku tantu siguransa.

Kolosensenan 2:23

E reglanan ei, ku nan sistema ku hende a inventá pa adorá Dios, práktika di humildat falsu i trato severo di kurpa, por parse di ta basá riba sabiduria. Pero en realidat niun di nan no ta sirbi pa dominá deseo pekaminoso.

1 Timoteo 4:1

Pero di otro banda Spiritu Santu ta bisa bon kla ku den e último dianan lo tin hende ku lo nenga nan fe, pasobra nan ta sigui spiritu ku ta engañá hende i siñansa di demoño.

2 Korintionan 11:3

Mi tin miedu ku meskos ku e kolebra a korumpí Eva ku su astusia, boso tambe ta laga korumpí boso i ku boso ta pèrdè boso deboshon sinsero i puru pa Kristu.

Romanonan 1:25

El a entregá nan, pasobra nan ta kambia e bèrdat di ken Dios ta pa un mentira; nan ta adorá i sirbi loke ta kreá na lugá di e Kreador, ku meresé alabansa pa semper. Amèn!

Mateo 24:24

Hende ku ta pretendé di ta e Mesias i di ta profeta, lo lanta; nan lo mustra señal grandi i hasi milager pa asina desviá asta e eskohidonan di Dios, si ta posibel.

Revelashon 3:11

Mi ta bini pronto! Tene loke boso tin, pa ningun hende no kohe boso rekompensa bai kuné.

1 Huan 2:26

E kosnan ku mi ta skibi boso akí tin di aber ku e hendenan ku ta purba desviá boso.

Filipensenan 3:14

Mi ta pusha bai dilanti pa mi yega na e meta i asina gana e premio ku Dios, pa medio di Kristu-Hesus, ta yama nos bin risibí ayariba.

Efesionan 5:6

No laga niun hende ku bini ku palabra sokete, gaña boso. Pasobra ta eksaktamente pa motibu di e tipo di kos ei mes, Dios lo kastigá e hendenan ku no ke tende di djE.

1 Korintionan 8:1

Ban pasa pa e tópiko tokante karni ofresé na dios falsu. Ta bèrdat ku ‘nos tur tin konosementu’, manera nan ta bisa. Ma e konosementu ei ta pone hende hincha bira orguyoso, miéntras amor ta yuda kresementu di iglesia.

Daniel 11:38

Sinembargo e ta sirbi e dios di fòrtinan, un dios ku su antepasadonan no a konosé. E ta ofres'é oro, plata, piedra presioso i otro ophetonan di balor.

Ezekiel 13:3

Esaki ta loke SEÑOR Dios ta bisa: Ai di e profetanan bobo, ku ta sigui nan mes ideanan i ta profetisá sin a haña vishon.

Numbernan 25:18

pasobra nan a trata boso manera enemigu. Nan a lòk boso den trampa den e kaso di Baal-Peor i den e kaso di nan miembro di tribu Kozbi, yu muhé di un hefe di tribu midianita, ku nan a mata tempu tabata reina un plaga bou di boso pa motibu di Baal-Peor.’

Génesis 3:13

E ora ei SEÑOR Dios a puntra e muhé: ‘Ta kiko e kos ku bo a hasi ei?’ E muhé a kontestá: ‘E kolebra a gaña mi, p'esei mi a kome e fruta.’

Revelashon 19:10

Mi a kai na su pia pa ador'é, pero el a bisa: ‘Stòp! Ta un sirbidó mi ta, meskos ku bo i bo rumannan, ku ta tene na testimonio di Hesus. Adorá Dios!’ Pasobra testimonio di Hesus ta keda duná pa medio di Spiritu di profesia.

Revelashon 13:14

E ta gaña e habitantenan di mundu pa medio di e señalnan ku e ta hasi den nòmber di e bestia. E ta kalanchá e hendenan pa nan lanta un imágen na honor di e bestia ku a keda heridá pa medio di spada, pero ku a keda na bida.

Revelashon 13:8

Tur habitante di mundu lo ador'é, tur ku nan nòmber no ta skibí for di kreashon di mundu den e buki di bida, buki di e Lamchi matá.

Revelashon 12:9

pasobra a benta e dragon grandi for di shelu, esta e kolebra bieu, tambe yamá diabel òf Satanas ku ta gaña henter mundu. A bent'é huntu ku su angelnan riba tera.

2 Pedro 2:14

Nan ta mira hende muhé ku wowo di adulterio, i no ta kansa di hasi piká. Nan ta sedusí hende débil i nan ta eksperto den rankamentu di plaka fo'i hende; Dios su maldishon ta riba nan!

Kolosensenan 2:4

Mi ta bisa esaki pa evitá ku hende ta gaña boso ku argumento bunita.

2 Korintionan 12:20

Mi tin miedu ku ora mi bin bishitá boso, lo mi no enkontrá boso manera mi tin gana di mira boso i ku boso lo haña mi un hende diferente for di loke boso a spera. Mi tin miedu di pleitu, envidia, rabiamentu, egoismo, papiamentu riba hende, redu, arogansia i situashon desordená.

1 Korintionan 13:4

Amor sa di soportá i ta bondadoso, e no ta envidioso; amor no sa broma, ni ta orguyoso.

1 Korintionan 9:24

Boso sa ku di tur e atletanan ku ta kore den un kareda, ta ún so ta bai ku e premio. Wèl, kore di moda ku boso ta gana e premio!

1 Korintionan 4:18

Algun di boso a bira mashá orguyoso, pasobra nan a kere ku mi no ta bin bishitá boso mas.

1 Korintionan 3:3

pasobra te ainda boso ta biba manera hende ku ta pertenesé na mundu. E echo ku tin envidia i pleitamentu entre boso, no ta mustra ku boso ta pertenesé na mundu i ta aktua riba un nivel puramente humano?

Romanonan 16:18

Pasobra tipo di hende asina no ta sirbi Kristu nos Señor, pero ta nan deseonan baho so nan ta sigui i nan ta kalanchá hende simpel ku palabra dushi pa asina kohe nan kabes abou.

Isaías 57:9

Bo ta regalá e dios Molèk zeta di oleifi i e salfinan di mas oloroso. Bo ta manda bo mensaheronan paisnan leu, sí, si tabata posibel asta te den reino di morto.

Job 38:2

‘Ken ta esun ku ta nubla e konsepto, ku Mi ke pa hende tin di Mi, papiando sin konosementu?

Deuteronomio 29:29

Tin kos ku nos no sa: nan ta pertenesé na SEÑOR, nos Dios; pero tin kos ku a keda revelá na nos i na nos yunan pa nos kumpli semper ku nan, esta tur e mandamentunan di e lei akí.

1 Korintionan 4:6

Rumannan, den tur loke mi a bisa, mi a usa Apolo i mi mes komo ehèmpel, ya boso ta siña kiko e dicho: ‘No pasa límite di loke tin skibí’, ta nifiká. E ora ei niun hende lo no rebahá esun persona dor di kana buya ku un otro persona.

Efesionan 4:17

Esaki antó ta loke ami tin pa bisa boso i mi ta bis'é ku énfasis na nòmber di Señor: no komportá boso manera pagano ku ta pensa lokura.