Job 9:24 - Papiamentu Bible 2013

²⁴ No ta Dios ta duna hende malbado poder riba mundu? N' t'E ta siega wowo di huesnan pa nan no husga imparsialmente? Si no ta Dios ta hasi tur e kosnan akí, ta ken ta hasi nan antó?

Beibel na Papiamentu Koriente 2013

²⁴ No ta Dios ta duna hende malbado poder riba mundu? N' t'E ta siega wowo di huesnan pa nan no husga imparsialmente? Si no ta Dios ta hasi tur e kosnan akí, ta ken ta hasi nan antó?

Job 9:24 Referans Kwoze

Job 10:3

Bo gusta oprimí mi? Bo ta despresiá trabou di bo propio man, tanten ku intriga di hende malbado sí Bo ta gosa?

Daniel 4:17

Esaki ta sentensia di e angelnan santu, desishon di e guardiannan, pa tur hende rekonosé ku e Dios Altísimo tin poder riba reinado di hende i ta duna esun ku E ke poder pa reina. Asta esun di mas humilde den bista di hende E por pone na kabes di un nashon.”

Yeremías 14:4

Den tempu di kosecha tera ta ibaster pasobra awa no a yobe den pais; kunukeronan ta desesperá, nan tambe tin nan kara tapá.

Salmo 17:14

Laga bo man, SEÑOR, libra mi di e hendenan, di nan ku tin kiko ku nan ke den nan bida: yena nan stoma numa fo'i bo provishon, laga nan yu hòmbernan sinti nan yen i asta duna nan yunan loke sobra.

Job 32:2

Pero Elihu, yu di Barakel di Buz, di famia di Ram, a rabia mashá pisá ku Job, pasobra Job tabata pensa ku e ta den su derecho dilanti di Dios.

Job 24:25

Ken ta tribi bisa ku mi ta gaña? Tin hende ku por refutá mi?’

Job 16:11

Dios a entregá mi den man di un bandidu, benta mi den gara di hende malbado.

Job 12:17

Konseheronan, E ta pone marcha, tur plumá, i fo'i huesnan E ta kita kapasidat pa diserní.

Ester 7:8

Ora rei a sali for di hardin i bini bèk den e sala kaminda ta bebe biña, el a mira Haman, ku nèt a laga su kurpa kai riba e kanapé kaminda Ester tabata drumí. Xèrxès a grita: ‘Anto pa kolmo bo ke violá reina Ester den mi presensia i den mi mes kas?’ Manera rei a kaba di papia, algun sirbidó personal di rei a tapa kara di Haman pa e haña kastigu di morto. Un di nan, yamá Harbona, a bisa: ‘Rei mester sa ku nèt na kas di Haman tin un palu di 25 meter altu ku el a laga traha pa Mordekai, e hòmber ku a sali na defensa di su mahestat.’ ‘Awèl, kolog'é na dje!’ rei a ordená.

Ester 6:12

Despues Mordekai a bai bèk porta di palasio pero Haman a pura bai kas; el a sintié asina kibrá ku el a tapa su kara.

2 Samuel 19:4

Rei a mara su kabes i ku stèm duru el a grita: ‘Mi yu Absalon, Absalon, mi yu, mi yu!’

2 Samuel 15:30

Despues David a subi Seru di Oleifi na yoramentu. E tabatin su kabes mará i tabata kana pia abou. Tur e hendenan ku tabata kompañ'é tabatin nan kabes mará i yorando nan tabata subi e seru.

Job 19:7

Maske mi grita: “Abusu! Ousilio!”, mi no ta haña kontesta; mi ta pidi yudansa, pero no tin hustisia.

Job 22:8

ounke bo tabata poderoso, bon pará, doño dje tereno, kaminda bo tabata biba.

Job 24:12

Gritu di ansha ta sali for di siudat, gargantanan heridá ta sklama: “Abusu! Ousilio!” Sinembargo Dios no ta hasi kaso di e abusunan akí.

Malakías 2:17

Boso ta kansa Dios ku boso papiamentu. I boso ta bisa e ora ei: ‘Kon asina?’ Esei boso a hasi ora boso a bisa: ‘Den bista di SEÑOR tur hende ku ta hasi maldat ta bon hende; E ta kontentu ku nan.’ Òf ora boso a puntra: ‘Unda Dios su trato hustu a keda?’

Predikador 4:1

Despues mi a dirigí mi atenshon riba e aktonan di opreshon ku hende ta kometé den e mundu akí. I mi a mira hende oprimí yora, pero no tin hende pa konsolá nan; nan opresornan ta trata nan ku violensia, pero no tin hende pa konsolá nan.