Job 8:9 - Papiamentu Bible 2013

⁹ Nos aki no sa, t'ayera nos a nase, nos bida akibou ta kore pasa mes lihé ku un sombra.

Beibel na Papiamentu Koriente 2013

⁹ Nos aki no sa, t'ayera nos a nase, nos bida akibou ta kore pasa mes lihé ku un sombra.

Job 8:9 Referans Kwoze

1 Krónikanan 29:15

Bo sa, SEÑOR, ku nos ta strañero, hende sin paradero, meskos ku nos antepasadonan. Nos bida aki na mundu ta manera un sombra, sin seguridat.

Salmo 144:4

Hende ta parse un rosea, su dianan, un sombra ku ta pasa.

Job 14:2

e ta habri manera un flor, pa djis despues e marchitá; su bida ta kore pasa manera sombra pasahero.

Salmo 102:11

Mi dianan ta bai manera sombra di atardi, mi mes ta para seka meskos ku yerba.

Job 7:6

Mi dianan ta pasa mas lihé ku kartucha di hilu den man di hiladó; nan ta yega na nan fin, sin duna mi chèns di rekuperá.

Génesis 47:9

Yakob a kontest'é: ‘Mi tin 130 aña ta bai di un lugá pa otro, komo strañero. Den e poko tempu ei mi a pasa den hopi kos. I ainda mi no a alkansá e kantidat di aña ku mi antepasadonan a biba komo strañero.’

Salmo 90:4

Sí, den bo bista mil aña no ta mas ku e dia di ayera ku a pasa, no mas ku un warda di anochi.

Salmo 39:5

Esta kòrtiku Bo a hasi mi dianan, mi bida no ta nada den bo bista, hende bibu no ta mas ku un rosea;

2 Krónikanan 10:6

Rehabeam a konsultá ku e ansianonan ku tabata den servisio di su tata Salomon tempu e tabata na bida ainda. El a puntra nan: ‘Kiko boso ta konsehá mi kontestá e pueblo?’

Job 8:10

Pero ta di nan bo por siña, ta esnan ku eksperensia por papia.

Job 32:7

Mi a pensa den mi mes: “Behes mester opiná; edat avansá mester instruí kiko ta sabiduria.”

Job 14:1

Hende ku muhé a pari, ta hiba un bida kòrtiku yen di angustia i tristesa,

Salmo 82:5

Nan no sa ni nan no ta komprondé, ta den skuridat nan ta kana; tur fundeshi di mundu ta tembla.

Salmo 102:12

Sinembargo, SEÑOR, bo trono t'ei pa semper, generashonnan tras di otro lo menta bo nòmber.