Job 6:21 - Papiamentu Bible 2013

²¹ Boso ta desapuntá mi manera e roinan ei, ora boso a mira mi situashon horibel, boso a spanta.

Beibel na Papiamentu Koriente 2013

²¹ Boso ta desapuntá mi manera e roinan ei, ora boso a mira mi situashon horibel, boso a spanta.

Job 6:21 Referans Kwoze

Salmo 38:11

Mi amigunan i mi konosínan ta keda para leu for di mi plaga, mi famia ta keda na un distansia.

2 Timoteo 4:16

Niun hende no a sostené mi e promé be ku mi mester a defendé mi kurpa den korte, al kontrario tur hende a laga mi na kaya! Mare Dios no tuma esei na kuenta!

Mateo 26:56

Ma tur e kosnan akí a sosodé pa Skritura di e profetanan keda kumplí.’ E ora ei tur e disipelnan a bandoná Hesus i a hui bai.

Mateo 26:31

E ora ei Hesus a bisa su disipelnan: ‘Awe nochi mes, boso lo pèrdè fe den Mi i bandoná Mi! Lo sosodé manera Dios ta bisa den Skritura: Lo Mi mata e wardadó; i e karnénan lo plama for di otro.

Yeremías 51:9

Strañeronan ku ta biba ei a bisa: ‘Nos lo ker a kuida Babilonia sí, pero no tabatin kura p'e. Lag'é pa su kuenta! Nos tur ban nos pais bèk, pasobra e kastigu ku ta asot'é ta yega te na shelu, te den nubianan.’

Isaías 2:22

Stòp di konfia den hende, su bida n' ta nada mas ku un rosea. Hende no bal nada.

Proverbionan 19:7

Si asta ruman di un hende pober ta despresi'é, ku kuantu mas rason su amigunan lo no lag'é na kaya? Ounke e ta persiguí nan, roga nan, no por haña nan niun kaminda.

Salmo 62:9

Hende: un rosea, nada mas! Hende mortal: puru ilushon! Riba balansa ta nan ta subi, tur huntu apénas un rosea.

Job 13:4

Sinembargo boso ke blancha mi ku mentira; boso tur ta manera dòkter, ku no por kura hende.

Job 6:15

Boso mi kompañeronan, kua kompañero kiko! Boso no ta di konfia, boso ta manera roi den seru altu: promé e ta yen yen di awa dje eis ku a dirti i dje sneu ku a larga, pero asina verano yega, e ta seka, i bo por mira te na fondo; e roi a disparsé.

Job 6:22

Akaso m'a roga boso nunka pa duna mi algu? M'a yega nunka di pidi boso hasi mi e fabor di soborná ningun hende ku boso rikesa?

Job 19:19

Mi amigunan mas será ta detestá mi, esnan ku mi tabata stima ta bisa: “Nos no konos'é.”