Job 6:15 - Papiamentu Bible 2013

^15-17 Boso mi kompañeronan, kua kompañero kiko! Boso no ta di konfia, boso ta manera roi den seru altu: promé e ta yen yen di awa dje eis ku a dirti i dje sneu ku a larga, pero asina verano yega, e ta seka, i bo por mira te na fondo; e roi a disparsé.

Beibel na Papiamentu Koriente 2013

^15-17 Boso mi kompañeronan, kua kompañero kiko! Boso no ta di konfia, boso ta manera roi den seru altu: promé e ta yen yen di awa dje eis ku a dirti i dje sneu ku a larga, pero asina verano yega, e ta seka, i bo por mira te na fondo; e roi a disparsé.

Job 6:15 Referans Kwoze

Yeremías 15:18

Di kon no ta yega un fin na mi sufrimentu? Di kon mi heridanan ta inkurabel? Di kon nan no ke sera pa nada di mundu? Akaso Bo ke desapuntá mi, manera un roi ku ta seka, manera un bròn ku ta stòp di duna awa?’

Salmo 38:11

Mi amigunan i mi konosínan ta keda para leu for di mi plaga, mi famia ta keda na un distansia.

Salmo 41:9

Asta mi amigu ku mi a duna mi konfiansa i ku m'a parti mi pan kuné, a bira kontra mi.

Huan 16:32

Mira, e ora ta yega, sí el a yega kaba, ku lo plama boso for di otro, kada hende den direkshon di su mes kas i boso lo laga Mi so. Ma Mi no ta Mi so, pasobra Tata ta huntu ku Mi.

Huan 13:18

Mi no ta papiando di boso tur; Mi sa ta ken Mi a skohe. Ma e palabranan akí di Skritura mester keda kumpli: “Esun ku a kome huntu ku Mi, a lanta kontra Mi.”

Hudas 1:12

Nan presensia na boso sena fraternal ta manera baranka bou di awa ku ta pone barku senk! Sin niun klase di bèrgwensa nan ta stiwa nan stoma; nan ta kòrda solamente riba nan mes. Nan ta manera nubia kargá, ku bientu ta trese, sin niun drùp di awa kai. Nan ta manera palu ku no ta duna fruta na debido tempu, nan ta dos be morto, ku rais saká afó.

Yeremías 30:14

Tur bo amantenan a lubidá bo i no ta ni wòri ku bo mas. Mi a suta bo mal sutá, komo si fuera Mi tabata bo enemigu. Mi a kastigá bo bon kastigá, pasobra b'a hasi kosnan grave i bo krímennan tabata inkontabel.

Salmo 88:18

Bo a pone tur hende, ku tabata mi amigu i kompañero, alehá fo'i mi; awor ta skuridat ta mi kompaño!

Job 19:19

Mi amigunan mas será ta detestá mi, esnan ku mi tabata stima ta bisa: “Nos no konos'é.”

Proverbionan 25:19

Es ku den tempu di apuro pone su konfiansa den hende inkonfiabel, ta manera hende ku ke kome ku un djente kibrá òf ku ke kana ku un pia isuek.

Yeremías 12:6

Pasobra bo rumannan tambe, hòmber i muhé, tur bo famia, a laga bo kai, nan tambe ta yag bo tras bou di gritu. P'esei no konfia nan, maske kon amabel nan papia ku bo.’

Job 11:16

Bo ta lubidá bo problema sigur, e ta bira un rekuerdo bago, manera awa den roi ku a pasa bai.

Job 13:4

Sinembargo boso ke blancha mi ku mentira; boso tur ta manera dòkter, ku no por kura hende.

Job 14:11

Manera awa di laman ta evaporá i un riu ta seka seku seku,

Job 19:13

Dios a alehá mi rumannan fo'i mi; tur hende ku konosé mi ta hui mi.

Yeremías 38:22

Den e vishon akí a saka tur muhé, ku a keda atras ainda den palasio real, bai hiba pa e komandantenan di rei di Babilonia. Skucha loke nan a kanta di bo: “Nan a gaña bo, subi bo lomba, e asina yamá amigunan ei di bo! Awor ku bo pia a pega den lodo nan a laga bo na kaya.” ’