Job 32:8 - Papiamentu Bible 2013

⁸ Pero ta spiritu den hende, rosea di Todopoderoso, t'esei ta duna hende poder pa diserní.

Beibel na Papiamentu Koriente 2013

⁸ Pero ta spiritu den hende, rosea di Todopoderoso, t'esei ta duna hende poder pa diserní.

Job 32:8 Referans Kwoze

Job 38:36

Ken ta duna e para ibis sabiduria pa anunsiá ku awa di Nilo lo subi, o ken ta duna gai e saber pa pronostiká tempu?

Job 33:4

Spiritu di Dios a krea mi, rosea di Todopoderoso ta duna mi bida.

2 Timoteo 3:16

Henter Skritura ta inspirá pa Dios i ta útil pa duna siñansa, refutá, koregí i pa instruí kon biba un bida rekto,

Hakobo 1:5

Si kualke un di boso falta sabiduria, resa pidi Dios i lo E duna bo e, pasobra Dios ta gusta duna tur hende sin límite, sin tira nada na nan kara.

Predikador 2:26

Pasobra Dios ta duna komprondementu, konosementu i legria na esnan ku ta tende di djE. Pero esnan ku no ta obedes'É, E ta laga traha i spar pa e hende ku sí ta tende di djE. Matament'i kurpa tambe ta ilushon, hungamentu di kore kue ku bientu.

Proverbionan 2:6

Pasobra SEÑOR ta duna sabiduria, ta for di su boka komprenshon i konosementu ta sali.

1 Reinan 3:12

lo Mi hasi loke bo a pidi. Lo Mi duna bo sabiduria i poder pa bo por husga entre bon i malu, di tal manera ku nunka ningun hende tabata por promé ku bo, ni ningun hende lo no por despues di bo.

Daniel 2:21

E ta maestro di tempu i di historia. E ta pone reinan riba trono i ta baha nan atrobe. E ta duna hende sabí sabiduria i hende inteligente inteligensia.

Daniel 1:17

Dios a duna e kuater hóbennan akí inteligensia, konosementu di tur sorto di literatura i tambe hopi sabiduria. Ademas Daniel tabatin e don pa komprondé tur sorto di vishon i soño.

Job 35:11

ku ta instruí i siña nan pa medio di bestia rònt di nan i di para den laria.

Job 33:16

E ora ei E ta revelá hende su boluntat. Loke hende mester hasi o laga di hasi, ta bira kla kla p'e.

1 Reinan 3:28

Henter Israel a tende di e sentensia ku rei a duna pa solushoná e pleitu i nan a haña rèspèt di dje, pasobra nan a mira ku Dios a dun'é sabiduria pa e husga ku hustisia.

1 Korintionan 12:8

Na esun kreyente Spiritu Santu ta duna un palabra di sabiduria i e mesun Spiritu Santu ta duna un mensahe di konosementu na un otro.

Génesis 41:39

El a bisa Jozef: ‘No tin niun hende mas inteligente i mas kapas ku bo, pasobra Dios a laga abo sa tur e kosnan akí.

1 Reinan 4:29

Dios a duna Salomon sabiduria, inteligensia, i komprenshon mes abundante ku santu di laman.

Génesis 41:38

p'esei e fárao a bisa nan: ‘E hòmber akí, ta yená ku spiritu di Dios. Nos lo por haña un otro manera e? Mi n' ta kere!’

Job 12:13

Pero Dios, ku tin sabiduria, tin poder tambe. E tin sintí i konosementu.

Job 27:3

Tanten ku E ta tene mi na bida i laga rosea drenta pa mi nanishi,

1 Reinan 5:9

Mi trahadónan lo baha e palunan di Libanon te na laman, ei mi mes lo laga traha vlòt ku nan i transportá nan te na e lugá ku bo indiká. Na e lugá ei ta lòs nan for di otro i bo por rekohé nan. Pa loke ta toka abo, kumpli ku mi deseo i manda provishon na mi palasio.’

Job 12:16

Dios ta fuerte, semper viktorioso; kriminal o víktima, tur ta someté na su poder.

Proverbionan 20:27

Lampi di SEÑOR ta manera rosea di hende, e ta penetrá te den bo padennan ayá.

Isaías 28:26

Ta di Dios e ta haña su saber, Dios ku ta siñ'é loke e tin ku hasi.