Job 24:9 - Papiamentu Bible 2013

⁹ Sierto malbado ta ranka yu sin tata fo'i pechu di nan mama. Pasobra hende debe nan i no por paga, nan ta abusá di nan.

Beibel na Papiamentu Koriente 2013

⁹ Sierto malbado ta ranka yu sin tata fo'i pechu di nan mama. Pasobra hende debe nan i no por paga, nan ta abusá di nan.

Job 24:9 Referans Kwoze

Nehemías 5:5

Nos ta pertenesé na e mes pueblo ku nos paisanonan. No tin diferensia entre nan yunan i nos yunan, tòg nos mester laga nos yunan bira katibu. Asta humiliá nan a humiliá algun di nos yu muhénan kaba dor di hasi nan katibu. I nos no por hasi nada kontra di esei, pasobra nos kunukunan di trigo i di wendrùif ta den man di otro hende.’

2 Reinan 4:1

Un dia biuda di un di e profetanan a pidi Eliseo pa yud'é. El a bis'é: ‘Señor profeta, mi kasá a muri i manera bo sa e tabata un fiel sirbidó di Dios. Awor a bini un hende ku mi debe i e ke bai ku mi dos yunan komo katibu.’

Job 6:27

Boso ta kapas di riska tira lòt pa disidí destino di un wérfano i asta di bende boso mihó amigu!

Job 22:6

Bo a hasi malu di fia bo próhimo sèn i kita nan poseshonnan fo'i nan ora nan no por a paga bo. Asta bo a tuma nan paña fo'i nan, laga nan blo sunú.

Job 24:8

Áwaseru friu ta bira basha riba nan, muha nan papa muhá i komo nan no tin lugá di skonde, nan ta brasa baranka di piedra pa nan haña un tiki kalor.

Job 24:10

Hende pober ta kana blo sunú, nan lomba kargá ku kos di kome, nan barika blo bashí.

Job 29:12

pasobra mi tabata sali pa hende pober, ku tabata grita pidi ousilio i mi tabata yuda e mucha sin tata, ku no tabatin niun hende pa yud'é.

Isaías 3:14

SEÑOR ta pidi ansiano- i hefenan di pueblo kuenta i rason: ‘Ta boso a daña mi kunuku di wendrùif i a stiwa boso kasnan ku tur loke boso a hòrta for di hende pober.

Deuteronomio 24:7

Si un hende usa violensia pa kita libertat di un israelita meskos kuné i nan hañ'é ta bende e kompatriota òf ta trat'é komo katibu, e mester haña kastigu di morto. Kaba asina ku e maldat akí ku tin serka boso.