Job 24:2 - Papiamentu Bible 2013

² Tin hende ku ta hala e pènchinan di nan propiedat, pa haña mas tereno; nan ta kohe bestia di otro hende laga nan kome yerba den nan kunuku i konsiderá nan di nan.

Beibel na Papiamentu Koriente 2013

² Tin hende ku ta hala e pènchinan di nan propiedat, pa haña mas tereno; nan ta kohe bestia di otro hende laga nan kome yerba den nan kunuku i konsiderá nan di nan.

Job 24:2 Referans Kwoze

Deuteronomio 19:14

No kambia e frontera ku tin entre bo tereno i esun di bo bisiña, ku ta fihá for di hopi tempu kaba den e pais ku SEÑOR, boso Dios, ta bai duna boso.

Proverbionan 23:10

No kambia frontera bieu, ni subi tereno di wérfanonan ku mal intenshon,

Deuteronomio 27:17

Maldishoná ta esun ku kambia e frontera di su bisiña. I henter pueblo mester bisa: Amèn!

Proverbionan 22:28

No perhudiká otro hende kambiando frontera bieu fihá pa bo antepasadonan.

Hoséas 5:10

Lidernan di Huda ta manera hende ku ta tuma pais di otro hende hasi di nan; Lo Mi basha mi rabia manera un lawin'i awa riba nan.

Job 5:5

Hende ku hamber ta kome e nesio su kosecha, maske ta fo'i bou di sumpiña nan tin ku sak'é; hende morto di set ta anhelá su rikesanan.

Job 1:17

E hòmber akí n' kaba di papia, ku ata un di tres hòmber a yega i bisa: ‘Ata e kaldeonan a ataká bo trupanan di kamel di tres banda. Nan a bai ku bo kamelnan i kap bo kriánan mata ku machete. T'ami ta e úniko ku por a skapa pa bin konta bo.’

Job 1:15

ora diripiente e sabeonan a yega, bai ku e buenan i buriku muhénan i kap bo kriánan mata ku machete. T'ami ta e úniko ku por a skapa pa bin konta bo.’

Job 20:19

Tur esaki pasobra el a oprimí hende pober, laga nan sin pariba sin pabou i a konfiská kas, ku e no a traha.

Job 31:38

Si mi tera ta sklama na shelu kontra mi i si tur su riolnan ta yená ku lágrima,