Job 21:31 - Papiamentu Bible 2013

³¹ Niun hende no ta tribi denunsiá komportashon di hende malbado i niun hende no ta tribi kastig'é pa loke el a hasi.

Beibel na Papiamentu Koriente 2013

³¹ Niun hende no ta tribi denunsiá komportashon di hende malbado i niun hende no ta tribi kastig'é pa loke el a hasi.

Job 21:31 Referans Kwoze

Deuteronomio 7:10

Pero esnan ku ta rechas'É, E ta kastigá inmediatamente laga nan bai pèrdí. Ningun hende no por skapa di esei.

Galatanan 2:11

Pero un dia ku Kefas a bini Antiokia, mi a haña mi ta skual e den su kara, pasobra el a hasi algu robes.

Hakobo 2:13

Pues Dios lo no mustra mizerikòrdia, ora E husga esun ku no tabatin mizerikòrdia ku otro hende, pero esun ku sí tabatin mizerikòrdia lo sali viktorioso na momento di huisio.

Romanonan 12:19

Keridonan, no tuma vengansa boso mes, pero laga Dios kastigá. Pasobra tin skibí ku Señor ta bisa: ‘Ami lo tuma vengansa; Ami lo paga bèk.’

Echonan 24:25

Ma ora Pablo a kuminsá papia tokante hustisia, dominio propio i huisio benidero, Feliks a haña miedu i a bis'é: ‘Bo por bai numa; ora mi tin un chèns, mi ta manda yama bo.’

Marko 6:18

Huan tabata bisa Heródes kada be: ‘No ta pèrmití biba ku kasá di bo mes ruman.’

Isaías 59:13

nos ta rebeldiá kontra Bo, sin ke tende nada mas di Bo, nos ta bira lomba pa Bo; nos ta fomentá opreshon i violashon, nos ta gaña mes tantu ku nos tin djente den boka.

Salmo 50:21

Eseinan ta loke bo a hasi, anto Ami lo mester keda ketu? Bo ta kere ku Mi ta manera bo? Lo Mi keha bo, konfrontá bo ku tur kos.

Job 41:11

Ken por enfrentá Mi i mustra Mi ku Mi mester paga debe? Tur kos bou di shelu ta di Mi.

Job 21:19

Boso ta konvensí ku Dios ta wanta e kastigu pa despues lag'é kai riba kabes di nan yunan; ami sí ta pensa ku Dios por a bien kastigá nan mes, ya nan ta siña!

Job 21:30

ku ora Dios rabia, E ta manda desaster, pero hende ku a bira lomba pa Dios sí ta sali ileso

Job 21:32

T'asina ku asta ora hende malbado muri, e ta haña un entiero ku e no meresé, su graf lo ta bon kuidá,