Job 20:27 - Papiamentu Bible 2013

²⁷ Shelu lo laga su mal akshonnan sali na kla; mundu lo ta testigu den korte kontra dje i deklará: “Kulpabel bo ta!”

Beibel na Papiamentu Koriente 2013

²⁷ Shelu lo laga su mal akshonnan sali na kla; mundu lo ta testigu den korte kontra dje i deklará: “Kulpabel bo ta!”

Job 20:27 Referans Kwoze

Isaías 26:21

Wak, ya SEÑOR ta sali fo'i su kas pa kastigá habitantenan di mundu pa nan piká. Sanger inosente a basha drenta tera, pero tera no ta chup'é mas, e n' ke sigui skonde esnan asesiná.

Job 16:18

O tera, no tapa mi sanger; mare mi gritu por keda sklama pa hustisia.

1 Korintionan 4:5

P'esei no husga niun hende, promé ku e tempu indiká. Warda te ora Señor bini. E lo saka na kla loke ta skondí den skuridat i lo mustra e intenshonnan ku hende tin den su kurason. Kada ken lo haña e elogio ku e meresé, serka Dios.

Romanonan 2:16

Esaki lo sosodé riba e dia ku Dios ta husga e sekretonan di hende su kurason, pa medio di Kristu-Hesus i di akuerdo ku e bon notisia ku mi ta prediká.

Malakías 3:5

SEÑOR di universo ta bisa: ‘E ora ei lo Mi bini serka boso komo hues. Mesora lo Mi denunsiá esnan ku ta praktiká bruheria, esnan ku ta kometé adulterio, esnan ku ta lanta falsu testimonio, esnan ku ta hòrta for di e pago mizerabel di un hende ku ta traha kontra pago, esnan ku ta oprimí biuda i wérfano, esnan ku ta kita tur derecho for di strañeronan i no tin rèspèt di Mi.

Yeremías 29:23

Pasobra nan a hasi kosnan ku na Israel niun hende no ta tolerá: kometé adulterio ku muhé di nan kompatriotanan i usa mi Nòmber pa saka mentira ku Ami no a pone den nan boka. Pero Ami sa esei i lo Mi duna testimonio di nan. Mi ta sigurá boso!’

Job 18:18

A sak'é fo'i lus push'é den skuridat, dester'é for di tera di bibunan.

Deuteronomio 31:28

Yama tur lider i ansiano di boso tribunan huntu serka mi. Den nan presensia lo mi pronunsiá e palabranan akí i yama shelu i tera pa nan para komo testigu kontra nan.