Job 13:4 - Papiamentu Bible 2013

⁴ Sinembargo boso ke blancha mi ku mentira; boso tur ta manera dòkter, ku no por kura hende.

Beibel na Papiamentu Koriente 2013

⁴ Sinembargo boso ke blancha mi ku mentira; boso tur ta manera dòkter, ku no por kura hende.

Job 13:4 Referans Kwoze

Salmo 119:69

Hende tribí a akusá mi di mentira, ami tan fiel na bo preseptonan!

Yeremías 8:22

No a sobra mas salfi, ni no por haña niun dòkter mas na Guilead? Ta kon bini antó mi pueblo stimá no a haña kura?

Yeremías 6:14

Nan ta trata heridanan di mi pueblo manera ta leve nan ta. Nan ta bisa: “Tur kos ta bon, tur kos ta na òrdu,” pero nada no ta bon, nada no ta na òrdu.

Marko 5:26

El a sufri hopi na man di tur sorto di dòkter i a gasta tur loke e tabatin. Tòg e no a bai niun tiki dilanti; mas bien e tabata bira pió.

Marko 2:17

Hesus a tende nan i El a kontestá: ‘Hende bon di salú no mester di dòkter, hende malu sí. Mi no a bini pa yama hende hustu sino pa yama pekadó.’

Hoséas 5:13

Efraim a haña sa ku e tabata malu i Huda a mira su postema. E ora ei Efraim a dirigí su mes na Asiria, manda mensaheronan serka e gran rei. Pero e no ta kapas pa kura boso, e no por kita boso postemanan.

Ezekiel 34:4

Boso no a laga e karnénan ku tabata débil kohe forsa, boso no a kura e karnénan ku tabata malu, boso no a pone ferbant pa e karnénan ku tabata heridá; boso no a trese e karnénan ku a pèrdè kaminda bèk, boso no a bai buska karnénan ku a pèrdè. Boso a goberná ku man duru, sin tene duele.

Yeremías 46:11

Pober Egipto, bai Guilead ayariba i buska salfi. Bo por usa kuantu remedi ku bo ke, nan no ta yuda bo ku nada, pasobra p'abo no tin remedi!

Yeremías 30:13

no por kura bo heridanan mas; no tin niun hende pa kuida bo, no tin remedi pa bo yaganan, kueru nobo no por sali riba nan.

Yeremías 23:32

Skucha loke Mi ta bisa: Mi ta kontra e profetanan ei ku ta konta soñonan mentiroso, ta pone mi pueblo pèrdè kaminda ku nan mentiranan i ku palabranan sin pia sin kabes. No ta Ami a manda nan, Mi no a duna nan niun sorto di enkargo, ta perhudiká so nan ta perhudiká e pueblo akí. Esei Mi ke pa boso komprondé.’

Job 16:2

‘Mi ta fadá di tende e palabranan akí! Ta konsoladó di awa dushi boso ta!

Job 6:21

Boso ta desapuntá mi manera e roinan ei, ora boso a mira mi situashon horibel, boso a spanta.

Éksodo 20:16

No lanta testimonio falsu kontra otro hende.

Nehemías 6:8

Pero mi a manda e kontesta akí p'e: ‘No tin tal kos, ta abo mes a inventá e asuntu ei.’

Job 6:15

Boso mi kompañeronan, kua kompañero kiko! Boso no ta di konfia, boso ta manera roi den seru altu: promé e ta yen yen di awa dje eis ku a dirti i dje sneu ku a larga, pero asina verano yega, e ta seka, i bo por mira te na fondo; e roi a disparsé.

Job 6:20

pero ora nan yega, desilushon ta warda nan, tur nan speransa ta muri.

Job 27:12

Pero n' ta boso sa tur kos mihó ku tur hende? Pakiko boso a bini ku yen di kos apsurdo antó?