Job 11:7 - Papiamentu Bible 2013

⁷ Bo ta kere ku bo por sondia Dios, ku bo por deskubrí límite di Dios Todopoderoso?

Beibel na Papiamentu Koriente 2013

⁷ Bo ta kere ku bo por sondia Dios, ku bo por deskubrí límite di Dios Todopoderoso?

Job 11:7 Referans Kwoze

Romanonan 11:33

Esta inkomprensibel Dios su rikesa, sabiduria i konosementu ta! Esta insondabel su plannan!

Predikador 3:11

Ta un smak pa mira kon tur tur kos ta tuma lugá na su debido tempu. Dios a duna hende tambe un gana fuerte di sinta pensa riba tempu i riba loke ta pasa den e tempu ei. Pero tòg asina mes hende no por saka afó kiko Dios a hasi for di kuminsamentu te na final.

Salmo 145:3

SEÑOR ta grandi, digno di alabansa, ningun hende no por midi su grandesa.

Efesionan 3:8

Dios a duna ami, esun ménos ku tur e otro kreyentenan, privilegio di proklamá e bon notisia tokante e rikesa inkalkulabel di Kristu, na esnan ku no ta hudiu.

Isaías 40:28

Ta sa boso n' sa, tende boso n' tende? SEÑOR ta Dios pa tur eternidat, El a krea mundu di punta te punta. E no ta kansa ni pèrdè rosea: no por sondia su saber.

Salmo 77:19

Bo kaminda a pasa den laman, Bo a kana den masa di awa: no por a mira bo pasonan!

Job 37:23

Todopoderoso ta asina grandi, ku nos no por aserk'É; E ta hustu i bon i no ta oprimí hende.

Job 5:9

pasobra Dios ta hasi kosnan asina grandi, ku mente di hende no por skrudiñá, asina tantu milager, ku no por kaba di konta nan.

1 Korintionan 2:16

Pasobra, manera Skritura ta bisa: ‘Ken a yega di sondia mente di Señor, ken komo konsehero por siñ'É algu?’ Ma nos ta pensa manera Kristu ta pensa!

1 Korintionan 2:10

Ma nos sí Dios a laga konosé su plan skondí pa medio di su Spiritu. Spiritu Santu ta skrudiñá tur kos, asta e pensamentunan di Dios ku ta profundamente skondí.

Mateo 11:27

Tur kos mi Tata a duna Mi. Niun hende no konosé e Yu, sino ta Tata so; ni niun hende no konosé e Tata, sino e Yu so i esnan ku e Yu ke laga konosé e Tata.

Job 26:14

Tur loke m'a trese dilanti ta djis un punta di loke Dios a hasi; tur loke nos a tende ta djis un vrunvrun! Imaginá bo kon zonido poderoso di su poder por aplastá nos.’

Job 22:12

Akaso Dios no ta biba altu den shelu, mas altu ku tur strea leu ayá?

Job 33:12

Pero ami ta bisa bo, Job, ku den e kaso akí bo no tin rason, pasobra Dios ta altu elevá riba hende.

Job 33:13

Di kon bo ta akusá Dios, ku E no ta diskutí su kaso ku bo?

Job 36:26

Sí, Dios ta grandi, nos no tin un idea kon grandi E ta; nos no por kalkulá su edat.

Job 37:5

Ora Dios pone su stèm ronka, hende ta keda babuká; Dios ta hasi milager ku nos no por komprondé.

Predikador 7:24

Tur loke ta eksistí ta fo'i mi alkanse! Tur ta demasiado profundo i niun hende no por komprondé nan.

Job 27:11

Mi ta bai siña boso loke e man poderoso di Dios ta hasi; mi ta bai mustra boso plannan di Dios Todopoderoso.

Job 35:5

Hisa kara wak shelu, nota e nubianan; nan ta mas altu ku bo!

Job 42:3

Bo a puntra: “Ken ta esun ku ta nubla konsepto ku Mi ke pa hende tin di Mi, papiando sin konosementu?” Mi ta atmití ku mi a papia di asuntunan, ku mi no tabatin niun idea di dje, kosnan maravioso, inkomprensibel pa mi.

Salmo 139:6

Tantu saber ta surpasá mi, ta muchu altu pa mi logra kapt'é.

Proverbionan 30:4

Pero un hende a yega di subi bai shelu i bolbe bini abou despues? Un hende a yega di kohe bientu tene ku su man òf lora awa warda den su mantel? Ken a determiná unda mundu ta kaba? Kon yama e hòmber ei i kon yama su yu? Bisa mi si bo sa.