Isaías 58:11 - Papiamentu Bible 2013

¹¹ Lo Mi ta bo guia pa semper; asta den e regionnan di mas seku Mi ta sòru pa bo haña basta kuminda, Mi ta fortifiká bo kurpa. Lo bo ta manera un hardin bon muhá, manera un fuente ku nunka n' ta seka.

Beibel na Papiamentu Koriente 2013

¹¹ Lo Mi ta bo guia pa semper; asta den e regionnan di mas seku Mi ta sòru pa bo haña basta kuminda, Mi ta fortifiká bo kurpa. Lo bo ta manera un hardin bon muhá, manera un fuente ku nunka n' ta seka.

Isaías 58:11 Referans Kwoze

Huan 4:14

ma es ku bebe for di e awa ku Ami dun'é, lo no haña set nunka mas. E awa ku Ami dun'é lo bira manera un fuente di awa ku ta brota i kore pa duna bida eterno.’

Yeremías 31:12

Hubilando di alegria nan ta bini seru di Sion, nan kara ta bria ora nan mira su regalonan: trigo, biña yòn, zeta di oleifi, karné i baka. Nan lo ta manera un hardin bon muhá, nan lo no tisga mas di mizeria.

Salmo 32:8

‘Lo Mi duna bo instrukshon i lo mustra bo e kaminda ku lo bo tin ku sigui; lo Mi duna bo konseho, Mi no ta pèrdé bo fo'i bista.

Isaías 49:10

Nan lo no pasa ni hamber ni set, fulgor di solo i bientu kayente di desierto lo no hasi nan daño. Mi ta guia nan te na fuentenan di awa, pasobra Mi ke nan bon.

Huan 16:13

Ma ora e Spiritu di bèrdat bini, lo E guia boso na bèrdat kompleto i konta boso tokante kos ku ta bai pasa. Pasobra loke E bisa no ta sali di E mes, ma E ta papia tur loke E tende.

Salmo 25:9

E ta siña sensionan i humildenan kon sigui kaminda di birtut.

E kanto di tur kanto 4:15

Bo ta un fòntein den hardin, un fuente di awa bibu, ku ta basha fo'i seru di Libanon.

Proverbionan 11:25

Es ku hasi bon, bon ta p'e, es ku duna alivio, ta haña alivio.

Proverbionan 3:8

Esei ta un remedi ku ta laga bo keda salú, algu ku ta refreská bo kurpa.

Ezekiel 36:35

I hendenan lo bisa: “E pais akí ku un tempu tabata mondi, awor ta bunita manera hardin di Eden. E siudatnan ku tabata kompletamente destruí, ta reforsá i habitá atrobe.”

Salmo 92:14

ta karga fruta te den nan behes; nan ta keda bèrdè i fresku,

Hoséas 13:5

Mi a preokupá pa boso den desierto, den un pais di kalor sofokante.

Yeremías 17:8

E ta manera un palu, pará kant'i un riu, ku ta plama su raisnan te n'e awa. E no tin miedu ora tempu di kalor yega, su blachinan ta keda bèrdè. Ni maske awa keda sin yobe un aña, e no ta preokupá, pasobra e ta keda duna fruta.

Proverbionan 28:25

Hende haragan, ta sembra desunion so. Lo bai hende ku konfia den SEÑOR, bon.

Salmo 73:24

ta guia mi segun bo plan i na final lo tuma mi den gloria.

Salmo 48:14

‘Mira, asina Dios ta, nos Dios den tur eternidat. E ta nos guia eternamente!’

Salmo 37:19

den mal tempu nan lo no ta konfundí, den mizeria di hamber nan lo tin basta.

Salmo 33:19

E ta esun ku ta libra nan di morto i ku lo salba nan bida den tempu di flakesa.

Salmo 107:9

Hende ku set El a duna di bebe, hende ku hamber El a kolma ku su biennan.

Job 5:20

Den tempu di hamber E ta ranka bo for di morto; den tempu di guera E ta libra bo di poder di spada.

1 Tesalonisensenan 3:11

Nos orashon ta pa Dios mes ku ta nos Tata i pa nos Señor Hesus prepará kaminda pa nos por bishitá boso.

Isaías 61:11

Manera tera ta pari planchi chikí i hòfi ta laga simia spreit, asina tambe SEÑOR Dios ta laga salbashon i alabansa nase den bista di tur nashon.

Proverbionan 13:4

Hende floho ta deseá i keda sin haña, hende trahadó ta prosperá.

Isaías 33:16

Un hende asina ta biba na altu, su refugio ta den kuebanan fortifiká, semper e tin pan i awa nunka lo no falt'é.

Huan 7:38

Manera Skritura ta bisa: “Esun ku kere den Mi, riu di awa ku ta duna bida, lo brota for di profundidat di su ser.” ’

Isaías 27:3

‘Ami, SEÑOR, ta kuid'é i muh'é kada be; di dia i anochi Mi ta tene warda pa ningun hende no dañ'é.

Isaías 41:17

Ora hende mizerabel i pober buska awa, i no tin, ora lenga bira rans di set, Ami, SEÑOR, lo skucha nan; Ami, e Dios di Israel, lo no bandoná nan.

Isaías 57:18

M'a weta su trato, pero tòg: Mi ta bai kur'é i gui'é, Mi ta bai konsol'é! I pa loke ta trata esnan den tristesa,

Isaías 66:14

Ora e kosnan ei pasa ku boso, boso kurason lo yena ku alegria i boso wesu bieunan lo bira mes yòn ku yerba den tempu di yobida.’ SEÑOR ta mustra esnan ku ta fiel n'E su poder salbador; pero su enemigunan lo sinti su rabia.

Deuteronomio 15:4

Bon mirá no tin nodi di eksistí hende pober mes serka boso. Pasobra SEÑOR, boso Dios, lo bendishoná boso sigur na e pais ku E ta bai duna boso komo propiedat.

Salmo 1:3

E parse un palu, plantá kant'i awa, ku ta duna fruta na su tempu; su blachinan no ta marchitá — kiko ku e hasi, e ta bona.

Salmo 84:7

Na kada paso nan forsa t'oumentá: e Dios di diosnan ta aparesé na Sion!

Isaías 44:4

Nan lo spreit manera yerba den kunuku, manera pal'i mangel kant'i riu.