Isaías 58:10 - Papiamentu Bible 2013

¹⁰ si bo duna hende ku hamber loke abo mes ta deseá i si bo aliviá nesesidat di esun oprimí, lo bo bria di felisidat. Solo lo sali pa bo asta den tempu di skuridat; ora anochi baha riba bo, pa bo lo tin klaridat manera di sol'i mèrdia.

Beibel na Papiamentu Koriente 2013

¹⁰ si bo duna hende ku hamber loke abo mes ta deseá i si bo aliviá nesesidat di esun oprimí, lo bo bria di felisidat. Solo lo sali pa bo asta den tempu di skuridat; ora anochi baha riba bo, pa bo lo tin klaridat manera di sol'i mèrdia.

Isaías 58:10 Referans Kwoze

Isaías 42:16

E ora ei lo Mi kompañá mi pueblo siegu, Mi ta guia nan den kamindanan deskonosí, den beredanan straño pa nan. Mi ta klara skuridat nan dilanti i loke no ta kore pareu Mi ta yena. Tur esei Mi ta hasi sigur, Mi n' ta kambia di idea.

Salmo 37:6

Lo E pone bo hustisia bria manera dia kla i bo derecho manera lus di mèrdia.

Job 11:17

Bo bida lo bria mas ku solo di mèrdia bo oranan di mas skur lo ta manera ourora.

Lukas 18:22

Ora Hesus a skuch'é, El a bisa: ‘Un kos so bo falta. Bai bende tur loke bo tin, duna hende pober e sèn i lo bo tin tesoro den shelu. Despues bin sigui Mi.’

Proverbionan 14:31

Es ku oprimí hende pober ta ofendé Kreador, es ku demostrá amor pa hende pober ta honra Dios ku esei.

Isaías 29:18

E dia ei surdunan lo tende loke lesa for di un buki pa nan, siegunan lo sali fo'i skuridat profundo ku lus den nan wowo.

Proverbionan 28:27

Es ku yuda hende pober, nunka lo n' tin falta di nada, pero es ku sera wowo pa nan nesesidat, ta keda maldishoná.

Salmo 41:1

Felis ta esun ku ta kòrda riba pobernan: si kos ta malu p'e, Dios lo yud'é.

Isaías 60:2

Mira, skuridat ta tapa tera, anochi pretu ta baha riba pueblonan. Pero abo, SEÑOR ta iluminá bo manera solo ku ta sali; e ta baña bo den su presensia luminoso.

Ezekiel 18:16

E no ta oprimí ningun hende, ni aseptá pant ora e fia hende algu, ni hòrta. Es ku tin hamber, e ta duna kuminda; es ku ta sunú, e ta duna paña di bisti.

Zakarías 6:15

For di paisnan leu hende lo bini aki pa yuda traha na rekonstrukshon di tèmpel di SEÑOR. E ora ei boso lo rekonosé ku ta SEÑOR soberano a manda mi. T'esei lo pasa ku boso si boso tende bon di SEÑOR, boso Dios.

Deuteronomio 15:4

Bon mirá no tin nodi di eksistí hende pober mes serka boso. Pasobra SEÑOR, boso Dios, lo bendishoná boso sigur na e pais ku E ta bai duna boso komo propiedat.

Job 31:31

Tur hende ku a yega di bishitá mi tènt no por afirmá ku mi wéspetnan semper a yena nan barika ku karni, ku mi a parti?

Salmo 112:4

Pa bon hende un lus ta sali den tiniebla: Esun piadoso, kompasivo i hustu.