Isaías 57:2 - Papiamentu Bible 2013

² Hende ku ta kana riba kaminda rekto ta drenta lugá di pas, trankilidat di graf.

Beibel na Papiamentu Koriente 2013

² Hende ku ta kana riba kaminda rekto ta drenta lugá di pas, trankilidat di graf.

Isaías 57:2 Referans Kwoze

Revelashon 14:13

Mi a tende un stèm bisa for di shelu: ‘Skibi, felis esnan ku for di awor akí muri den union ku Señor.’ ‘Sí,’ Spiritu di Dios ta bisa, ‘nan lo sosegá di nan matamentu di kurpa, pasobra fruta di nan trabou ta kompañá nan.’

2 Korintionan 5:1

Nos sa ku ora nos kurpa terenal, ku ta manera un tènt, kaba na nada, Dios tin un kas eterno den shelu prepará pa nos, ku no ta man di hende a traha.

Lukas 2:29

‘Awor Bo por laga bo kriá bai na pas, Señor, di akuerdo ku bo promesa.

Job 3:17

Den tera kaminda tur instigashon di mala fe ta kaba i tur ku ta morto kansá ta haña sosiegu.

2 Korintionan 5:8

Nos tin hopi kurashi i nos lo a preferá di bandoná e kurpa akí i bai biba den kas serka Señor.

Lukas 7:50

Ma Hesus a sigui bisa e muhé: ‘Bo fe den Mi a salba bo, bai na pas.’

Mateo 25:21

Su shon a bis'é: “Bon hasí! Bo ta un kriá bon i fiel; bo tabata fiel den maneho di un tiki sèn, p'esei mi ta duna bo responsabilidat riba kantidat grandi! Drenta, bin kompartí mi legria!”

Predikador 12:7

Bo kurpa ta kaba bira stòf, bai bèk den e tera for di kual el a sali; i bo rosea di bida ta bai bèk serka Dios, ku a duna bo e.

2 Krónikanan 16:14

A der'é den su graf ku el a laga koba den Siudat di David. A pon'é riba un kama kaminda a stroi yerba i speserei ku tabata hole dushi. Ekspertonan, trahadó di perfume, a prepará nan. Despues nan a sende un kandela grandi na su honor.

Lukas 16:22

Dia e hòmber pober a muri, angelnan a karg'é hiba banda di Abraham. E riku tambe a muri i nan a der'é.

Ezekiel 32:25

Sí, rei di Elam a haña un lugá di sosiegu meimei di mortonan, rondoná pa e grafnan di tur su sòldánan, nan tur insirkunsidánan, matá ku spada. Un tempu nan a sembra pániko den pais di bibunan, pero awor nan ta toka parti na humiliashon di esnan ku a baha den reino di morto; nan a resultá meimei di esnan ku a muri den bataya.

Filipensenan 1:23

Mi ta haña mi ranká na dos banda: mi tin deseo di bandoná e mundu akí i di ta huntu ku Kristu, loke lo ta hopi mas mihó.

Lukas 1:6

Nan tur dos tabata hende hustu den bista di Dios i nan tabata biba den un forma ireprochabel, di akuerdo ku tur Dios su leinan i su mandamentunan.

Isaías 26:7

Kaminda dje hende ku ta tende di Bo ta rekto, o Dios Rekto, e kaminda ku Bo ta habri p'e ta pareu.

Isaías 14:18

Reinan di otro nashonnan tur ta drumí ta prònk, kada un den su mes graf.

Génesis 17:1

Tempu Abram tabatin 99 aña, SEÑOR a aparesé n'e i a bis'é: ‘Ami ta Dios Todopoderoso; sòru pa semper bo obedesé Mi i biba un bida perfekto den mi bista.

Salmo 37:37

Wak hende hustu, opservá hende drechi: hende di pas tin porvenir.

Daniel 12:13

Pa loke ta trata abo, Daniel, sigui te final; lo bo bai sosegá i, ora e temporada akí pasa, lo bo lanta pa risibí loke Dios a destiná pa bo na fin di tempu.” ’

Yeremías 6:16

SEÑOR a bisa su pueblo: ‘Ora boso ta pará na un krusada, wak bon i puntra kon a bai den pasado, kua ta e bon kaminda. Si boso siguié, boso lo biba trankil.’ Pero nan a rospondé; ‘Nò, nos no ta hasié!’