Isaías 53:7 - Papiamentu Bible 2013

⁷ El a laga nan maltrat'é i humili'é sin protestá, sin papia un pi'e palabra, ketu manera un lamchi hibá matadero, sin habri su boka manera karné den man di feitadó.

Beibel na Papiamentu Koriente 2013

⁷ El a laga nan maltrat'é i humili'é sin protestá, sin papia un pi'e palabra, ketu manera un lamchi hibá matadero, sin habri su boka manera karné den man di feitadó.

Isaías 53:7 Referans Kwoze

Mateo 26:63

Hesus a keda ketu. Gransaserdote a bis'É: ‘Den nòmber di Dios bibu, mi ta pone bo bou di huramentu: Bisa nos: ta abo ta Mesias, e Yu di Dios?’

1 Pedro 2:23

Ora nan a insult'É, E no a insultá nan bèk; ora nan a pon'É sufri, E no a menasá nan, sino a entregá su mes den man di Dios ku ta e Hues hustu.

Marko 14:61

Hesus a keda ketu; E no a rospondé niun pia di palabra. Gransaserdote a bolbe papia kunÉ, el a puntr'É: ‘Ta abo ta Mesias, Yu di Esun Bendishoná?’

Huan 19:9

El a drenta bèk den e residensia prinsipal i puntra Hesus: ‘Di unda bo ta bini?’ Ma Hesus no a dun'é kontesta.

Lukas 23:9

El a hasi Hesus hopi pregunta, ma Hesus no a kontestá nada.

Marko 15:5

Ma pa asombro di Pilato, Hesus no a kontestá nada nada mas.

Huan 1:29

E dia siguiente Huan a mira Hesus ta bini serka dje. El a bisa: ‘Ata e Lamchi di Dios, ku ta kita piká di mundu!

Revelashon 5:6

E ora ei mi a mira meimei dilanti di e trono, rondoná pa e kuater sernan i e ansianonan, un Lamchi pará. Tabata komo si fuera a mat'É i E tabatin shete kachu i shete wowo. E wowonan ta e shete spiritunan di Dios, ku a keda mandá rònt mundu.

Salmo 44:22

Pa bo kousa nan ta mata nos tur dia bai i nan ta trata nos manera karné pa mata.

Isaías 53:6

Nos tur a kana dualu manera karné, kada un riba su mes kaminda, pero SEÑOR a lag'é karga tur nos maldat.

Yeremías 11:19

Te na e momento ei mi tabata ingenuo manera lamchi ku ta laga nan hib'é bai mata. Mi no a ripará ku ta kontra ámi nan tabata tramando algu. Nan tabata bisa: ‘Ban kap e palu ei miéntras e ta bèrdè ainda. Ban rank'é for di e bida akí, pa nunka niun hende mas no menshoná su nòmber.’

Salmo 38:14

Mi ta manera un hende ku n' ta tende, un hende sin defensa na su boka.

Salmo 38:15

Tur mi speransa, SEÑOR, ta den Bo, den bo kontesta, mi Señor i mi Dios.

Isaías 50:6

Mi ta bira mi lomba duna esun ku ke suta mi, si e ke ranka mi barba, mi ta dun'é mi kara. Mi no ta kita kara, ora nan chèrchè mi i skupi riba mi.