Isaías 49:15 - Papiamentu Bible 2013

¹⁵ Pero Señor ta rospondé: ‘Akaso un muhé por lubidá e yu na su pechu, e por keda sin stima e yu di su mondongo? I si e yega na lubid'é mes, Ami sí nunka no ta hasié:

Beibel na Papiamentu Koriente 2013

¹⁵ Pero Señor ta rospondé: ‘Akaso un muhé por lubidá e yu na su pechu, e por keda sin stima e yu di su mondongo? I si e yega na lubid'é mes, Ami sí nunka no ta hasié:

Isaías 49:15 Referans Kwoze

Isaías 44:21

Señor ta bisa: ‘Pueblo di Israel, kòrda bon: Bo ta mi sirbidor, Ami a forma bo, mi sirbidor bo ta, lo Mi no lubidá bo, Israel.

Salmo 103:13

Manera un tata ta tierno pa su yunan, SEÑOR ta tierno pa esnan ku respet'É.

Mateo 7:11

Ke men, si asta boso ku ta mal hende sa di duna boso yunan kos bon, kuantu mas antó boso Tata den shelu lo no duna kos bon na esnan ku pidiÉ?

Hoséas 11:1

SEÑOR ta bisa: ‘Tempu Israel tabata yòn ainda, Mi a kuminsá stim'é i for di Egipto Mi a yama mi yu.

Yeremías 31:20

Efraim mester ta un yu mashá stimá di Mi, un yu di mi kurason, ku ki ora ku Mi tin ku skual e, Mi ta keda kòrd'é apesar di esei i mi hemut ta yena: Mi no por hasi otro kos ku tene piedat di dje,’ asina SEÑOR ta bisa.

Malakías 3:17

I SEÑOR di universo a bisa: ‘Dia Mi intervení, nan lo ta mi propiedat. E ora ei lo Mi tene kompashon ku nan, manera un tata ta tene kompashon ku su yu hòmber ku ta sirbiÉ.

Lamentashonnan 4:10

Mamanan, tòg semper kurason moli, awor ta kushiná nan yunan ku nan propio man, pa nan por tin algu di kome durante destrukshon di mi pueblo.

Lamentashonnan 4:3

Chakal muhé mes ta laga su yunan bebe lechi, pero mi pueblo ta kruel manera abestrus den sabana.

Romanonan 1:31

Nan no tin komprondementu, nan no ta kumpli ku nan palabra, nan no tin kariño, ni no ta sinti kompashon pa niun hende.

Levítiko 26:29

Boso lo tin asina tantu hamber ku boso lo kome boso mes yunan.

Job 24:20

Ni su mama mes ku a parié, no ta kòrda riba dje mas; bichi ta kom'é tur limpi i ta kap e bent'abou manera un palu morto.

Salmo 27:10

Si mi tata i mama mes bandoná mi, ta SEÑOR lo tuma mi.

Salmo 77:9

SEÑOR a lubidá su kompashon? E ta asina rabiá ku E n' tin duele?

Proverbionan 31:2

Skucha, mi yu, fruta di mi entraña, kontesta di Dios riba mi rogamentunan.

Isaías 14:1

Sí, SEÑOR lo tene mizerikòrdia ku e desendientenan di Yakob, un bia mas lo E skohe Israel i instalá e israelitanan den nan mes tera; strañeronan lo buska pa djòin nan i lo logra.

Isaías 49:14

Herusalèm di: ‘SEÑOR a bandoná mi, Señor a lubidá riba mi.’

1 Samuel 12:22

SEÑOR, ku ta fiel na su nòmber, lo no bandoná boso, pasobra El a hiba di gustu di hasi boso su pueblo.

Isaías 54:10

Asta si serunan kambia di lugá i seritunan tambaliá, mi amor pa bo sí no ta kambia hamas, mi kompromiso pa sigurá bo felisidat tampoko no ta tambaliá. T'Ami, SEÑOR, ta bisa esei, Ami ku ta demostrá bo mi kompashon.

Yeremías 51:5

Pasobra nan a ofendé Mi i a laga nan pais yen di piká. — Pero Ami, SEÑOR soberano, e Dios Santu di Israel, no a laga Israel i Huda atras manera yu sin mama. —’