Isaías 40:18 - Papiamentu Bible 2013

¹⁸ Ku ken boso ke kompará Dios antó, ku kua imágen boso ke represent'É?

Beibel na Papiamentu Koriente 2013

¹⁸ Ku ken boso ke kompará Dios antó, ku kua imágen boso ke represent'É?

Isaías 40:18 Referans Kwoze

Isaías 46:5

Ku ken boso ke kompará Mi awor? Ken ta mi pareu? Ken por igualá su mes ku Mi?

1 Samuel 2:2

No tin hende mes santu ku Bo, SEÑOR. Ni baranka no ta mes fuerte ku Bo, nos Dios. No tin manera Bo.

Éksodo 15:11

Kua di e diosnan ta manera Abo, SEÑOR? Ken ta santu i impreshonante manera Bo? Bo meresé rèspèt i fama, pasobra Bo ta hasi milager.

Echonan 17:29

Wèl, si nos ta desendiente di Dios, nos no mester kere ku Dios ta manera e imágennan di oro, plata òf piedra, trahá i diseñá dor di hende.

Isaías 40:25

‘Ta ku ken boso ke kompará Mi antó,’ Dios Santu ta bisa, ‘ken ta mi pareu?’

Yeremías 10:6

SEÑOR, no tin manera Bo, Bo ta grandi, mes grandi tambe fama di bo poder ta.

Salmo 89:6

Ken ta manera Dios den firmamentu di shelu, ken ta parse SEÑOR den tur ser selestial?

Job 40:9

Akaso bo brasa ta mes fuerte ku di Mi? Bo tambe por papia ku zonido tremendo?

Mikéas 7:18

O Dios, ken ta manera Bo? Bo ta pordoná piká di e pueblo ku a sobrebibí i no ta keda kòrda nan faltanan. Bo rabia no ta dura pa semper, Bo ta preferá mustra mizerikòrdia.

Salmo 89:8

O SEÑOR, Dios di universo, ken ta manera Bo, tan poderoso, SEÑOR, Abo bistí ku fieldat!

Éksodo 9:14

For di awor lo Mi manda e plaganan riba bo, riba bo funshonarionan i riba bo pueblo, pa bo sa ku riba mundu henter no tin unu igual na Mi.

Éksodo 8:10

Fárao a kontestá: ‘Mañan mes.’ Moises a bisa: ‘Asina lo sosodé, pa bo sa ku ningun dios no ta mes grandi ku SEÑOR, nos Dios.

Deuteronomio 33:26

Yeshurun, no tin ningun hende manera Dios, ku ta kore mahestuosamente riba e nubianan di shelu, kla pa bin yuda bo.

Éksodo 20:4

No traha niun imágen di niun dios, den niun forma: ni di loke tin na shelu, ni di loke tin riba tera, ni di loke tin den awa bou di tera.

Isaías 46:9

Kòrda e kosnan ku a pasa ántes, den tempu bieu, kòrda ku Ami ta Dios, no tin otro. Ami ta Dios i no tin mi pareu.

Salmo 113:5

Ken ta manera SEÑOR nos Dios, ku ta biba aya den altura;

Hebreonan 1:3

Den djE gloria di Dios ta resplandesé, E ta semehansa di Dios su ser. Pa medio di su palabra poderoso E ta mantené tur kos. Despues ku El a hasi posibel ku piká por keda pordoná, El a tuma lugá na man drechi di e Mahestat den shelu.

Kolosensenan 1:15

E ta imágen visibel di Dios invisibel; E ta Esun promé, alsá riba henter kreashon.

Yeremías 10:16

Esta diferente SEÑOR, e Tesoro di Israel, ta, t'E a traha tur kos; t'E a hasi pueblo di Israel su propiedat pa semper. ‘SEÑOR soberano’ ta su nòmber.

Deuteronomio 4:15

Dia SEÑOR for di riba seru di Horeb a papia ku boso for di den kandela, boso no a mira ningun figura. P'esei tene mashá kuidou,

Salmo 89:7

Dios, respetá den konseho di santunan, sumamente temibel pa tur ku ta biba rònt di djE.

Isaías 44:6

SEÑOR, Rei di Israel, Esun ku ta sali pa su pueblo, E, SEÑOR soberano, ta bisa: ‘Ami ta pará na kuminsamentu, Ami ta pará na final, fuera di Mi no ta eksistí niun otro Dios.

Yeremías 10:1

Pueblo di Israel, skucha e mensahe ku SEÑOR ta duna boso.