Isaías 34:3 - Papiamentu Bible 2013

³ N' ta dera nan mortonan, e kadavernan ta manda mal holó; serunan ta papá di sanger.

Beibel na Papiamentu Koriente 2013

³ N' ta dera nan mortonan, e kadavernan ta manda mal holó; serunan ta papá di sanger.

Isaías 34:3 Referans Kwoze

Yoel 2:20

Mi ta kore ku boso enemigunan for di nort, manda nan un pais seku i desolá. Nan vanguardia ta resultá den Laman Morto, nan retaguardia den Laman Mediteráneo. Un holó stinki ta lanta, nan kadavernan ta putri, nan orguyo ta keda kastigá.’

Ezekiel 39:4

Riba e serunan di Israel lo bo muri, Gog, abo ku tur bo trupanan i e pueblonan ku a djòin bo. Boso kadavernan ta bira kuminda pa paranan di rapiña i bestianan feros.

Isaías 34:7

Na mes momento búfalonan tambe ta dal abou, toro yòn i toro grandinan. Pais dje edomitanan ta papá di sanger, su suela saturá di vèt.

Revelashon 14:20

A machiká e wendrùifnan pafó di siudat i for di e baki pa machiká wendrùif a kore un riu di sanger di 1600 midí largu ku a yega te na boka di e kabainan.

Amos 4:10

Mi a manda pèster riba boso, manera riba Egipto. Mi a laga boso hóbennan muri den bataya i Mi a entregá e enemigu boso kabainan komo botin. Mi a laga mal holó di e kadavernan den boso kampamentu penetrá den boso nanishi. Tòg boso no a bolbe serka Mi.

Ezekiel 39:11

E dia ei lo Mi duna Gog un lugá na Israel pa der'é, Vaye di e biaheronan, na ost di laman. E graf ei lo stroba esnan ku ke biaha pasa eibanda di pasa. Lo dera Gog i henter su ehérsito einan i e lugá ei lo haña e nòmber Vaye di e ehérsito di Gog.

Ezekiel 38:22

Lo Mi kastig'é ku pèst i matamentu, lo Mi laga diluvio, pipita di eis, kandela i suafel kai riba Gog i su ehérsitonan i riba e tantísimo pueblonan ku a djòin e.

Ezekiel 35:6

P'esei, mes sigur ku Mi ta Dios bibu,’ SEÑOR, mi Dios ta bisa, ‘lo Mi drama boso sanger; morto lo persiguí boso. Pasobra boso no a repudiá dramamentu di sanger, morto lo persiguí boso.

Ezekiel 14:19

Òf Mi ta manda pèst den e pais i baha mi rabia dor di drama sanger i kaba ku hende i bestia.

Yeremías 22:19

Nan lo der'é manera ta dera buriku: nan lo lastr'é bai kuné i bent'é pafó di portanan di Herusalèm.’

Isaías 10:4

No ta keda boso otro kos ku baha kabes i kai prezu o muri den bataya. Sinembargo rabia di SEÑOR no ta plakia, su man ta keda na laria ta menasá.

Isaías 66:24

Ora nan sali fo'i siudat, nan lo topa ku kadaver dje hendenan ku a rebeldiá kontra Mi. E bichinan ku ta kome nan, no ta muri. E kandela ku nan ta kima aden no ta paga. Henter mundu ta yena ku repugnansia pa nan.’

Yeremías 25:33

Tur kaminda riba mundu lo tin kadaver plamá di hende ku SEÑOR a mata. Lo no tin niun hende mas pa yora nan, hisa i dera nan. Nan lo ta manera mèst den kunuku.

Nahum 3:3

Hòmbernan riba kabai ta ataká, spadanan ta lombra, flechanan ta kòrta kandela. Tin hopi hende heridá, monton di morto, kadaver sin fin, bo ta kana trompeká riba nan.

Ezekiel 32:4

Despues Mi ta benta bo abou na kantu, laga bo bentá den kunuku. Paranan ta baha bin riba bo, bestianan feros ta fretu di bo karni te baster.