Isaías 24:19 - Papiamentu Bible 2013

¹⁹ Kibra tera ta kibra, baster e ta baster habri, tembla tera ta tembla!

Beibel na Papiamentu Koriente 2013

¹⁹ Kibra tera ta kibra, baster e ta baster habri, tembla tera ta tembla!

Isaías 24:19 Referans Kwoze

Revelashon 20:11

E ora ei mi a mira un trono grandi koló blanku i Esun ku tabata sintá riba dje. Tera i shelu a hui p'E i no a bolbe mira nan mas.

Nahum 1:5

Den presensia di SEÑOR serunan ta tembla, seritunan ta tambaliá. Ora SEÑOR aparesé, tera ta sakudí i mundu ku tur loke tin riba dje, ta tembla.

Deuteronomio 11:6

Boso a mira kon El a trata Datan ku Abiram, yu di Eliab, for di tribu di Ruben, kon tera a habri boka guli nan manda abou dilanti di wowo di Israel, huntu ku nan famianan, nan tèntnan, tur bestia i tur hende ku tabata pertenesé na nan.

Mateo 24:3

Ora Hesus tabata sintá riba Seru di Oleifi, e disipelnan a bin puntr'É den privá: ‘Bisa nos: ki dia e kosnan akí lo sosodé? Na kua señal nos por mira ku Bo ta serka di bini i ku fin di tempu ta serka di yega?’

Habakuk 3:6

Si E keda para, mundu ta sakudí, E djis wak e nashonnan, nan ta tembla. Serunan, siglonan bieu, i seritunan antiguo, lugánan fo'i semper su kaminda di pasa, ta garna i basha den otro.

2 Pedro 3:10

Pero dia di Señor su huisio lo bini manera ladron. Riba e dia ei shelu lo disparsé ku un klap enorme i kandela lo kima e astronan selestial laga nan dirti kaba na nada. I Señor lo haña mundu ku tur loke tin den dje kla pa kai bou di su huisio.

2 Pedro 3:12

Warda riba e dia di Señor su huisio i hasi lo posibel pa e yega pronto. Pasobra ta riba e dia ei shelu lo kima i ta destruí i e astronan selestial lo dirti kaba na nada.

Numbernan 16:31

Apénas el a kaba di papia ku suela bou di nan pia a sker habri i

Numbernan 16:32

tera a habri guli nan, nan famia, tur siguidó di Korag i tur nan propiedat.

Salmo 75:3

Tera ku tur su habitantenan por tembla: Ami a ankra su pilánan.

Isaías 2:19

Hende lo drenta skonde den kueba di baranka i den buraku den tera pa presensia teribel di SEÑOR, pa splendor di su mahestat, ora E lanta pa yena e pais ku sustu.

Isaías 13:13

Ora e dia di mi furia yega i rabia drenta Ami, SEÑOR soberano, lo Mi pone shelu sakudí, tera lo tembla i lòs for di su fundeshi.