Isaías 14:15 - Papiamentu Bible 2013

¹⁵ Sinembargo ata bo ayabou den reino di morto, den profundidat di abismo.

Beibel na Papiamentu Koriente 2013

¹⁵ Sinembargo ata bo ayabou den reino di morto, den profundidat di abismo.

Isaías 14:15 Referans Kwoze

Mateo 11:23

I abo Kafárnao: N' ta subi bo ker a subi yega te shelu? Ta te den fièrnu lo bo kai awor! Pasobra si e mesun milagernan ku a tuma lugá serka bo hendenan, a tuma lugá na Sódoma, e siudat ei lo tabata eksistí te dia djawe.

Ezekiel 32:23

Nan grafnan ta te abou aya den mundu bou di tera, rondó di e graf di nan rei. Un tempu nan a sembra pániko den pais di bibunan, pero a mata nan ku spada.

Revelashon 19:20

A kohe e bestia prezu i huntu kuné e profeta falsu tambe, ku a hasi e señalnan milagroso na su nòmber, ku kua e tabata gaña e hendenan ku a tuma marka di e bestia i a adorá su imágen. A benta e bestia i e profeta falsu den un lago di suafel ku tabata kima.

Lukas 10:15

I abo, Kafárnao: N' ta subi bo ker a subi te yega shelu? Ta te den fièrnu lo bo kai awor!

Isaías 14:16

Esnan ku mira bo ei ta wak bo i no por kere nan bista. Nan ta komentá: “T'esei ta e hòmber ku a pone mundu tembla i reinonan sakudí te den nan fundeshi,

Ezekiel 31:16

Ora Mi a hiba palu di seder mundu bou di tera, serka esunnan ku a bai reino di morto promé kuné, pueblonan a tembla di miedu, spantá dor di e zonido di su kaida. Pero den e mundu eibou su kaida tabata konsuelo pa tur e palunan di Eden, pa e palunan di mas bunita i di mas mihó di Libanon, pa tur palu ku tabata biba di awa.

Isaías 2:11

Orguyosonan lo mester baha nan bista, arogantenan lo ta humiliá. E dia ei SEÑOR so lo ta alsá.

Isaías 2:12

SEÑOR soberano a pone un dia pa E lanta kontra tur ku ta arogante i sobèrbè, kontra tur ku ta alsa nan mes: lo E humiliá nan.

Ezekiel 31:14

Fo'i djawó niun palu, maske kon rikamente suministrá di awa e ta, lo no bira asina altu ku su tòp ta yega te den nubianan. Niun palu ku ta biba di awa lo no por alsa su mes asina altu ku su mes forsa. Pasobra meskos ku hende, palunan ta kondená pa muri. Nan ta tuma parti den destino di esunnan ku ta bai e mundu bou di tera, reino di morto.’

Abdías 1:3

Bo a konsiderá bo mes mas ku tur nashon, pero bo a gaña bo mes. Bo ta biba den kueba den baranka, na lugánan inaksesibel. Bo ta pensa: “Ami sí niun hende no por hala mi abou.”