Huesnan 7:20 - Papiamentu Bible 2013

²⁰ Asin'ei tur tres grupo a supla kachu i dal e poronnan kibra. Den man robes nan tabatin e flambeu i ku man drechi nan tabata tene e kachu pa nan supla. Nan tabata grita: ‘Guera pa SEÑOR i pa Gideon!’

Beibel na Papiamentu Koriente 2013

²⁰ Asin'ei tur tres grupo a supla kachu i dal e poronnan kibra. Den man robes nan tabatin e flambeu i ku man drechi nan tabata tene e kachu pa nan supla. Nan tabata grita: ‘Guera pa SEÑOR i pa Gideon!’

Huesnan 7:20 Referans Kwoze

Isaías 27:13

E dia ei kachu grandi lo resoná. Tur ku a pèrdè na Asiria, tur ku nan a kore kuné manda Egipto, lo bin bùig pa SEÑOR riba e seru santu na Herusalèm.

2 Korintionan 4:7

Pero nos ku tin e tesoro spiritual akí, ta manera pòchinan di klei frágil, ya asina ta sali na kla ku e poder supremo ei ta bini di Dios i no di nos.

1 Korintionan 15:52

diripiente, den un fregá di wowo, ora e último tròmpèt zona. Pasobra tròmpèt lo zona i e defuntunan lo lanta for di morto pa no bolbe muri nunka mas i nos lo keda transformá.

Yozue 6:20

E hendenan tabata grita duru miéntras e kachunan tabata zona. Asina nan a tende e señal riba kachu nan a grita mashá duru mes. E ora ei e muraya di siudat a basha den otro i tur hende a subi pasa ún pasá drenta e siudat i kaptur'é.

Yozue 6:16

E di shete bia, miéntras e saserdotenan tabata supla kachu, Yozue a bisa e pueblo: ‘Grita! Awor SEÑOR ta duna boso e siudat!

Yozue 6:4

Shete saserdote tin ku kana dilanti di e arka di aliansa, kada un ku un kachu di chubat'i karné. E di shete dia boso mester pasa shete bia rònt di e siudat; mientrastantu e saserdotenan ta supla kachu.

Hebreonan 11:4

Pasobra Abel tabatin fe, el a ofresé Dios un mihó sakrifisio ku Kain a ofresé. Pa motibu di su fe Dios a deklará ku Abel tabata hustu i Dios a aseptá su sakrifisionan. Pa medio di su fe Abel ta papia awor akí ainda, maske el a muri kaba.

1 Tesalonisensenan 4:16

Pasobra na momento ku tende un stèm duru duna òrdu, e stèm di arkangel zona i tròmpèt di Dios resoná, Señor mes lo baha for di shelu. Esnan ku a kere den Kristu promé ku nan a muri, lo lanta for di morto promé.

2 Pedro 1:15

P'esei mes lo mi hasi tur loke ta na mi alkanse pa tur ora boso keda kòrda riba e kosnan akí, asta despues di mi morto.

Huesnan 7:19

Gideon i e shen hòmbernan ku tabata huntu kuné a yega na rant di e kampamentu meianochi, nèt ora nan a kaba di kambia warda. Nan a supla kachu i dal e poronnan ku nan tabatin den man kibra.

Huesnan 7:21

Tur ku tabata rondoná e kampamentu a keda para na nan lugá, pero henter e ehérsito di Midian a kuminsá kore i a hui bou di gritu.

1 Samuel 11:11

E dia siguiente Saul a parti e ehérsito den tres grupo i promé ku di dia habri nan a penetrá te den e kampamentu di e enemigu; nan a bringa ku e amonitanan te mèrdia ora solo tabata mas altu. E enemigunan ku a keda na bida a plama di tal manera ku niun kaminda bo no tabata haña dos.

Yeremías 47:6

Ai, spada di SEÑOR, bo n' tin idea di sosegá nunka mas? Drenta bo baliña bèk, trankil, ketu.