Huesnan 7:13 - Papiamentu Bible 2013

¹³ Ora Gideon a yega, nèt un hòmber tabata konta su amigu un soño: ‘Bo sa ku den mi soño mi a mira un pan trahá di sebada, lora drenta nos kampamentu, dal den un tènt, bash'é abou. E tènt a bòltu keda bentá eibou.’

Beibel na Papiamentu Koriente 2013

¹³ Ora Gideon a yega, nèt un hòmber tabata konta su amigu un soño: ‘Bo sa ku den mi soño mi a mira un pan trahá di sebada, lora drenta nos kampamentu, dal den un tènt, bash'é abou. E tènt a bòltu keda bentá eibou.’

Huesnan 7:13 Referans Kwoze

1 Korintionan 1:27

Ma Dios a skohe loke mundu ta konsiderá lokura pa bergonsá e sabionan. El a skohe loke mundu ta konsiderá di ta débil pa bergonsá esnan poderoso.

Huesnan 6:15

Pero Gideon a kontestá: ‘Despensá mi atrobe, señor, ma kon mi ta hasi salba Israel? Mi famia ta esun ménos importante den e tribunan di Manase i mi mes ta esun di mas hóben den mi famia.’

Huesnan 4:21

Pero Sísera tabata asina kansá ku el a bai un bon soño. E ora ei Yael, kasá di Hèbèr, a kohe un pènchi di tènt i un martin. Pokopoko el a kana bai serka Sísera i a klaba e pènchi den su sintí. E pènchi a traspasá su kabes i a keda pegá den tera. Sísera a muri mesora.

Huesnan 4:9

Debora a kontestá: ‘Awèl, mi ta bai ku bo, pero no ta abo ta haña fama pa e derota, pasobra SEÑOR lo entregá Sísera den man di un muhé.’ E ora ei Debora a kompañá Barak bai Kèdèsh.

Huesnan 3:31

E siguiente hues tabata Shamgar, yu di Anat. Ku un bion el a mata 600 filisteo. Asin'ei e tambe a salba Israel.

Huesnan 3:15

Despues nan a sklama na SEÑOR i El a laga un hende sali dilanti pa salba nan. E salbador tabata e slengu Ehud, yu di e benhaminita Guera. Semper e israelitanan tabata manda Ehud hiba e belasting ku nan mester a entregá Eglon, rei di Moab.

Huesnan 7:12

E midianitanan, e amalekitanan i e pueblonan di oriente a lanta nan kampamentu i a plama den e vaye manera trupa grandi di dalakochi. No por a konta nan kamelnan; nan tabata mes tantu ku santu di laman.

Huesnan 7:14

Su amigu a kontest'é: ‘No por ta nada otro ku no ta e spada di e israelita Gideon, yu di Yoash. Dios a entregá nos i henter nos kampamentu den poder di Gideon.’

Huesnan 8:10

Entretantu Zèbag i Salmuna tabata na Karkor ku 15.000 hòmber. Esei tabata tur loke a sobra di e ehérsito formá pa e tribunan di oriente; 127.000 sòldá a muri.