Huesnan 5:18 - Papiamentu Bible 2013

¹⁸ Pero Zebulon i Naftali a riska nan bida riba kampo di bataya, den seru.

Beibel na Papiamentu Koriente 2013

¹⁸ Pero Zebulon i Naftali a riska nan bida riba kampo di bataya, den seru.

Huesnan 5:18 Referans Kwoze

Huesnan 4:10

Ei Barak a yama e tribunan di Zebulon i Naftali. Dies mil hòmber a siguié i Debora tambe a bai kuné.

Huesnan 4:6

Un dia Debora a manda yama Barak, yu di Abinoam, ku tabata biba na Kèdèsh. Kèdèsh tabata un siudat di tribu di Naftali. Debora a bis'é: ‘SEÑOR, Dios di Israel, a duna e siguiente òrdu: “Sali bai Seru Tabor ku 10.000 hòmber di tribu di Naftali i Zebulon.

Revelashon 12:11

Nos rumannan a vens'é pa medio di sanger di e Lamchi i pa medio di e mensahe ku nan a duna testimonio di dje. Nan no tabata pegá na nan bida, pero dispuesto pa muri.

1 Huan 3:16

Ata kon Hesus a siña nos kiko ta amor: El a entregá su bida pa nos. Asina nos tambe ta obligá di entregá nos bida pa nos rumannan.

Echonan 20:24

Pero mi no ta konsiderá mi bida di ningun balor pa mi; loke tin balor pa mi ta, terminá mi mishon i e trabou ku mi a haña di Señor Hesus, esta prediká e bon notisia tokante grasia di Dios.

Ester 4:16

‘Yama tur hudiu di Susan huntu i boso yuna pa mi kaso. No kome ni bebe tres dia largu, ni di dia ni anochi. Mi ku mi sirbientenan ta hasi meskos. Despues mi ta bai serka rei, maske mi aktua kontra lei. Si ta muri mi tin ku muri, lo mi muri!’

Huesnan 4:14

E ora ei Debora a bisa Barak: ‘Ban mira, awe ta e dia ku SEÑOR ta entregá Sísera den bo man. Ata SEÑOR ta bai bo dilanti.’ Barak a baha Seru Tabor ku su 10.000 sòldánan su tras.

Huesnan 6:35

Ademas el a manda mensahero den sobrá di e region di Manase pa bisa nan bin yuda. Pa e tribunan di Asher, di Zebulon i di Naftali tambe el a manda mensahero. Tur e tribunan akí a sali pa bai uni nan mes kuné.

Salmo 68:27

Ata Benhamin, esun mas chikí, dilanti, despues lidernan di Huda, na gruponan grandi, hefenan di Zebulon i hefenan di Naftali.

Génesis 35:23

E yunan ku e tabatin ku Lea tabata Ruben, su yu mayó; Simeon, Levi, Huda, Isakar i Zebulon.

Génesis 35:25

Ku Bilha, e katibu muhé di Raquel, e tabatin Dan i Naftali;