Huesnan 18:29 - Papiamentu Bible 2013

²⁹ E siudat tabata yama Laish, pero nan a yam'é Dan, na honor di nan tata di tribu, ku tabata un yu hòmber di Israel.

Beibel na Papiamentu Koriente 2013

²⁹ E siudat tabata yama Laish, pero nan a yam'é Dan, na honor di nan tata di tribu, ku tabata un yu hòmber di Israel.

Huesnan 18:29 Referans Kwoze

1 Reinan 15:20

Bèn-Hadad a bai di akuerdo ku rei Asa i el a ordená e komandantenan di su trupanan ataká e siudatnan di Israel. Asina el a konkistá Iyon, Dan, Abel-Bet-Maaka, henter e region di Kinerèt i tambe henter teritorio di Naftali.

Yozue 19:47

Komo e teritorio akí tabata muchu chikitu pa tribu di Dan, nan a ataká e siudat Lèshèm i kaptur'é. Nan a mata tur hende i a keda biba aya. Nan a kambia nòmber di Lèshèm hasié Dan na honor di nan antepasado Dan.

Génesis 14:14

Ora Abram a tende ku nan a kohe su subrina prezu el a reuní e hòmbernan ku a nase serka dje i ku por a usa arma. Nan tabata 318 na tur. Ku nan el a sali persiguí e reinan te na e siudat Dan.

Huesnan 20:1

Despues tur israelita di Dan, na parti nort, te Beer-Shèba, na parti zùit, i tambe di pais Guilead, a sali manera ta ún solo hòmber nan tabata, pa bai reuní serka SEÑOR na Mispa.

2 Samuel 17:11

P'esei mi ta konsehá bo un otro kos: reuní henter Israel for di Dan na nort te Beer-Shèba na zùit rònt di bo, un multitut di hende numeroso manera santu di laman; bo tambe bringa den nan bataya.

Génesis 32:28

E ora ei e hòmber a bis'é: ‘Lo bo no yama Yakob mas; pero Israel pasobra bo a lucha ku Dios i ku hende i bo a sali ganadó.’

Génesis 30:6

E ora ei Raquel a bisa: ‘Mi ta yama e yu Dan, pasobra Dios a trata mi hustu. El a skucha mi i a duna mi un yu hòmber.’

Huesnan 18:7

Despues e sinku hòmbernan a sigui nan kaminda i nan a yega siudat Laish. Nan a mira ku e pueblo tabata biba mes trankil ku e habitantenan di Sidon. E hendenan tabata biba un bida trankil, sin preokupashon. No tabatin ningun lider pa stroba nan ku nada; nan tabata biba leu for di Sidon i no tabata ber ku ningun hende.

Yeremías 8:16

Ya enemigunan a yega e siudat Dan den parti nort, ya nos por tende nan kabainan supla; henter e pais ta tembla ora nan kabainan grita. Nan ta bai invadí e pais i destruí tur kos: kunukunan ku tur loke ta krese den nan i siudatnan ku nan habitantenan.’

Deuteronomio 34:1

For di vaye di Moab Moises a subi Nebo, un di e tòpnan di e serunan di Pisga, ku ta keda na altura di Yériko. Fo'i djei SEÑOR a lag'é mira henter e pais: e region di Guilead te Dan,