Huesnan 18:10 - Papiamentu Bible 2013

¹⁰ Ora boso yega aya, boso lo topa un pueblo ku ta biba trankil i un tera hopi grandi kaminda no tin falta di nada. Dios mes ta entreg'é den boso poder.’

Beibel na Papiamentu Koriente 2013

¹⁰ Ora boso yega aya, boso lo topa un pueblo ku ta biba trankil i un tera hopi grandi kaminda no tin falta di nada. Dios mes ta entreg'é den boso poder.’

Huesnan 18:10 Referans Kwoze

Huesnan 18:27

Asin'ei e danitanan a bai ku loke Mikas a laga traha i ku su saserdote. Nan a yega Laish i a ataká e hendenan ku tabata biba trankil i sin preokupashon. Ku spada nan a mata e habitantenan i nan a kima e siudat.

Huesnan 18:7

Despues e sinku hòmbernan a sigui nan kaminda i nan a yega siudat Laish. Nan a mira ku e pueblo tabata biba mes trankil ku e habitantenan di Sidon. E hendenan tabata biba un bida trankil, sin preokupashon. No tabatin ningun lider pa stroba nan ku nada; nan tabata biba leu for di Sidon i no tabata ber ku ningun hende.

1 Timoteo 6:17

Taha e hendenan riku di e mundu akí di bira orguyoso i pone nan speransa den rikesa, pasobra e ta algu insigur. Mihó nan pone nan speransa den Dios ku ta proveé nos ku tur kos na abundansia pa nos por gosa di nan.

Ezekiel 20:6

E dia ei Mi a hura di saka nan for di Egipto i hiba nan un pais ku Mi mes a skohe pa nan, un pais ku ta mana lechi i miel, un hoya entre e pueblonan.

Yozue 6:16

E di shete bia, miéntras e saserdotenan tabata supla kachu, Yozue a bisa e pueblo: ‘Grita! Awor SEÑOR ta duna boso e siudat!

Deuteronomio 4:1

Israel, skucha e leinan i e reglanan ku mi ta bai siña boso i kumpli ku nan. E ora ei boso ta keda na bida i boso ta drenta i tuma e pais ku SEÑOR, Dios di boso antepasadonan, ta bai duna boso.

Deuteronomio 2:29

meskos ku e desendientenan di Esou, ku ta biba na Seír, i e moabitanan, ku ta biba na Ar, a laga nos pasa. Nos ke krusa Yordan i yega e pais ku SEÑOR, nos Dios, ta duna nos.”

Éksodo 3:8

Mi a bini abou pa libra nan for di poder di e egipsionan. Mi ta bai saka nan for di e pais ei i hiba nan un pais grandi i bon, kaminda tin lechi i miel na abundansia. E pais kaminda e kanaanita-, hetita-, amorita-, perizita-, hiwita- i yebusitanan ta biba awor.

Huesnan 18:9

Nan a kontestá: ‘Prepará pa nos ataká Laish. Nos a mira e region; e ta mashá bon. Ban mira, no duda, sali ban konkistá e region.

Huesnan 18:11

E ora ei 600 danita armá a sali for di Sora i Eshtaol.

Yozue 2:23

E ora ei e dos hòmbernan a baha for di seru, krusa Yordan i regresá serka Yozue, yu di Nun. Nan a kont'é tur loke a pasa nan.

Yozue 2:24

Nan a bisa Yozue: ‘Di bèrdè SEÑOR a entregá henter e pais den nos poder; asta t'asina ku tur e habitantenan di e pais ta tembla di miedu pa nos.’