Huesnan 13:20 - Papiamentu Bible 2013

²⁰ Miéntras kandela di e altá tabata bai laria, Angel di SEÑOR a subi den e kandela. Ora Manoag i su kasá a mira loke a pasa, nan a tira nan kurpa abou, ku nan kara na suela.

Beibel na Papiamentu Koriente 2013

²⁰ Miéntras kandela di e altá tabata bai laria, Angel di SEÑOR a subi den e kandela. Ora Manoag i su kasá a mira loke a pasa, nan a tira nan kurpa abou, ku nan kara na suela.

Huesnan 13:20 Referans Kwoze

Levítiko 9:24

Kandela ku a bini di SEÑOR a kima e sakrifisionan di kandela i e partinan ku sebu di e otro sakrifisionan ku tabata riba altá. Ora e pueblo a mira e kosnan akí, nan tur a kuminsá grita di alegria i nan a bùig te na suela pa demostrá rèspèt.

1 Krónikanan 21:16

Ora David a hisa su kara, el a mira e angel pará meimei di shelu i tera. Den su man e tabatin un spada, e tabata ten'é na altu riba Herusalèm. David i e ansianonan di pueblo tur bistí na paña di rou, a tira nan kurpa plat abou na suela.

2 Reinan 2:11

Miéntras nan tabata kana papia, diripiente un garoshi di kandela ku kabainan di kandela a separá nan for di otro. Asina Elías a subi bai shelu den un warwarú.

Ezekiel 1:28

E splendor ei tabata parse esun di un regenbog den nubianan riba un dia di áwaseru. Asina gloria di SEÑOR a aparesé. Ora mi a mira e kos akí, mi a kai bok'abou na suela. E ora ei mi a tende un stèm.

Mateo 17:6

Ora e disipelnan a tende e stèm, nan a kai abou na suela, morto spantá.

Hebreonan 1:3

Den djE gloria di Dios ta resplandesé, E ta semehansa di Dios su ser. Pa medio di su palabra poderoso E ta mantené tur kos. Despues ku El a hasi posibel ku piká por keda pordoná, El a tuma lugá na man drechi di e Mahestat den shelu.

1 Krónikanan 21:26

El a lanta un altá pa SEÑOR einan, a ofresé sakrifisio di kandela i sakrifisio di pas i a resa na SEÑOR. SEÑOR a kontestá dor di laga un kandela kai for di shelu riba e altá i kima e sakrifisio.

Génesis 17:3

E ora ei Abram a bùig te na suela. Dios a sigui bis'é:

Daniel 10:9

Mi a tende e persona ta papia i miéntras mi tabata skuch'é, mi a desmayá, kai boka abou.

Ezekiel 1:26

Riba e kupel riba nan kabes tabatin algu paresido na un piedra di safiro den forma di un trono. Riba dje tabatin un figura sintá ku aparensia di hende.

Salmo 47:5

Dios a subi bou di gritu di húbilo, subi trono ku toká di tròmpèt.

Huesnan 6:19

Gideon a bai prepará un lamchi di kabritu i ku binti kana di hariña el a traha pan sin zürdeg. Despues el a pone e karni den un makutu i e sous den un wea. El a bai bèk bou di e palu i a ofresé Angel di SEÑOR e kuminda.

Huesnan 6:21

Angel di SEÑOR a kohe su staf i ku e punta El a mishi ku e karni i e pan. Kandela a sali for di e baranka i a kima e karni i e pan. Despues Angel di SEÑOR a disparsé.

1 Krónikanan 21:21

Ora Ornan a hisa kara, el a weta David ta bini serka dje. El a kana bai for di e plenchi di bati maishi i a bùig te na suela pa demostrá David rèspèt.