Huesnan 11:26 - Papiamentu Bible 2013

²⁶ Nos tin 300 aña bibá na Hèshbon i bisindario, na Aroer i bisindario i den tur siudat kantu di Arnon. Di kon nunka bo no a purba libra e teranan ei?

Beibel na Papiamentu Koriente 2013

²⁶ Nos tin 300 aña bibá na Hèshbon i bisindario, na Aroer i bisindario i den tur siudat kantu di Arnon. Di kon nunka bo no a purba libra e teranan ei?

Huesnan 11:26 Referans Kwoze

Deuteronomio 2:36

SEÑOR a entregá nos henter e teritorio, for di e siudat Aroer na riu Arnon i e siudat den e vaye te na e region Guilead; no a keda un siudat ku nos no a konkistá.

Huesnan 10:8

Den e mesun aña ei nan a kuminsá oprimí i terorisá e israelitanan. Diesocho aña largu nan a keda kastigá e israelitanan ku tabata biba na Guilead, na e otro banda di Yordan, kaminda e amoritanan tabata biba.

Huesnan 9:22

Despues ku Abimelèk a goberná Israel durante tres aña,

Huesnan 8:28

Asin'ei e midianitanan a keda derotá i nunka mas nan no por a lanta kontra e israelitanan. Tempu di Gideon a reina pas den e pais durante kuarenta aña.

Huesnan 5:31

Asina tur bo enemigunan lo keda destruí, SEÑOR, pero esnan ku stima Bo lo bria manera solo ku ta subi den tur su splendor.’ Despues a reina pas den e pais durante kuarenta aña.

Huesnan 3:30

E dia ei e israelitanan a derotá Moab. Despues a reina pas den e region durante ochenta aña.

Huesnan 3:11

Despues di esei a reina pas den e pais durante kuarenta aña.

Yozue 23:1

Ya tabatin hopi tempu ku SEÑOR a perkurá pa di tur banda e enemigunan laga Israel na pas. Yozue tabata basta bieu.

Yozue 13:10

i tur e siudatnan di Sihon, rei di e amoritanan, ku tabatin su palasio na Hèshbon, te na frontera di e amoritanan.

Yozue 12:5

Su teritorio tabata kubri seru Hermon, Salka, henter e region Bashan te na frontera di Gueshur i Maaka. Ademas mitar di Guilead te na teritorio di rei Sihon di Hèshbon.

Yozue 12:2

Esun tabata rei Sihon di e amoritanan. E tabata biba na Hèshbon. Su teritorio tabata for di Aroer, ku ta keda kantu di riu Arnon, na mitar di vaye di Arnon, te na riu Yabok, ku tabata forma frontera di e amonitanan; esta mitar Guilead.

Yozue 11:18

Hopi tempu el a bringa kontra nan.

Deuteronomio 3:6

Nos a kaba ku nan kompletamente, manera nos a hasi ku e siudatnan na Hèshbon, reino di rei Sihon. Niun hòmber, ni muhé, ni mucha no a keda na bida.

Deuteronomio 3:2

Pero SEÑOR a bisa mi: “No tene miedu, pasobra Mi ta entreg'é ku su pais i ku henter su ehérsito den bo poder. Hasi kuné manera bo a hasi ku Sihon, rei di e amoritanan, ku tabata biba na Hèshbon.”

Deuteronomio 2:24

“Ban mira!” SEÑOR a bisa, “Baha boso tèntnan i krusa riu Arnon. Mi ta entregá e amorita Sihon, rei di Hèshbon, i su pais den boso poder. Drenta su pais i kuminsá bringa kuné.

Echonan 13:19

El a destruí shete nashon na tera di Kanaan i laga Israel haña nan tera komo propiedat.

Yozue 13:16

Nan teritorio tabata e region na nort di Aroer — e siudat ku ta keda kantu di riu Arnon na mitar di e vaye — henter e sabana den serkania di Medba,

Yozue 13:17

Hèshbon ku e siudatnan rondó di dje den e sabana, esta Dibon, Bamot-Baal, Bet-Baal-Meon,

Yeremías 48:19

Boso, habitantenan di Aroer, bai para kant'i kaminda, wak bon! Puntra e refugiadonan, hòmber- i muhénan ku a skapa, kiko a pasa.