Hudas 1:24 - Papiamentu Bible 2013

^24-25 E úniko Dios, nos Salbador, tin poder pa protegé boso pa boso no kai i pa presentá boso sin mancha i yená ku goso den su presensia glorioso. Gloria, mahestat, poder i outoridat, pa medio di nos Señor Hesu-Kristu ta toka n'E; for di den tur eternidat, awor i pa semper. Amèn.

Beibel na Papiamentu Koriente 2013

^24-25 E úniko Dios, nos Salbador, tin poder pa protegé boso pa boso no kai i pa presentá boso sin mancha i yená ku goso den su presensia glorioso. Gloria, mahestat, poder i outoridat, pa medio di nos Señor Hesu-Kristu ta toka n'E; for di den tur eternidat, awor i pa semper. Amèn.

Hudas 1:24 Referans Kwoze

2 Timoteo 4:18

Dios lo libra mi di tur atake malbado i hiba mi su reino selestial sano i salvo. Gloria n'E den tur eternidat! Amèn.

Efesionan 3:20

Gloria na Dios, ku por hasi infinitamente mas di loke nos por pidi òf pensa, pa medio di su poder ku ta trahando den nos.

Kolosensenan 1:22

Pero awor Dios, pa medio di morto físiko di su Yu, a drecha tur kos entre boso ku E mes pa asin'ei E presentá boso santu, sin mancha i liber di tur reproche, dilanti di djE mes.

Efesionan 5:27

Asina El a prepará un iglesia radiante, sin mancha, ploi òf algu paresido, un iglesia santu i sin kulpa, pa E mes.

2 Korintionan 4:14

Nos sa ku Dios, ku a lanta Señor Hesus for di morto, lo lanta nos tambe for di morto huntu ku Hesus i nos sa ku Dios lo hiba nos huntu ku boso den su presensia.

Revelashon 14:5

Niun mentira no ta sali for di nan boka; nan ta sin mancha.

Romanonan 8:31

P'esei kiko mas nos por bisa? Si Dios ta na nos fabor, ken por ta kontra nos?

Mateo 16:27

Yu di hende lo bini den gloria di su Tata huntu ku su angelnan i e ora ei lo E rekompensá tur hende di akuerdo ku nan aktonan.

1 Pedro 4:13

Sino sea kontentu ku boso por tuma parti na sufrimentu di Kristu. Ya boso lo ta yen di goso dia ku Kristu bini bèk den su gloria.

2 Korintionan 11:2

E zelo ku mi ta kuida boso kuné ta bini di Dios mes. Mi a komprometé boso pa kasa ku ún solo hòmber i mi ke hiba boso puru manera un bírgen serka djE; e hòmber ei ta Kristu.

2 Korintionan 4:17

E sufrimentu ku nos ta pasa den e bida akí, ta pasahero i no ta pisá, pero e ta trese komo resultado un gloria sin límite i duradero pa nos.

Mateo 5:12

Alegrá boso i keda kontentu; den shelu tin un rekompensa grandi pa boso. No ta asina mes nan a trata e profetanan, promé ku boso tempu?

Romanonan 14:4

Ken bo ta pa husga sirbidó di otro hende? Si e para firme òf kai, ta entre e i su Señor. I lo e para firme, pasobra Señor ta hasi esei posibel!

Salmo 21:6

komo Bo a konsed'é bo bendishon pa tur tempu, bo presensia ta yena su alma ku alegria.

Hudas 1:21

Keda den e amor ku Dios tin pa boso, miéntras boso ta warda pa nos Señor Hesu-Kristu mustra boso mizerikòrdia i duna boso bida eterno.

Kolosensenan 3:4

Boso bida real ta Kristu mes i ora E bini bèk, boso tambe lo aparesé huntu kunÉ i kompartí su gloria.

Kolosensenan 1:28

T'É nos ta proklamá, ora nos, yená ku sabiduria, koregí i siña tur hende pa hiba nan na madures den union ku Kristu.

Lukas 9:26

Pasobra esun ku sinti bèrgwensa di Mi i di loke Mi bisa, e Yu di hende tambe lo tin bèrgwensa di dje ora E bini bèk den su gloria i den gloria di su Tata i di e angelnan santu.

Mateo 25:31

Ora Yu di hende bini den su gloria, huntu ku tur su angelnan, lo E sinta riba su trono glorioso.

Mateo 19:28

Hesus a kontestá nan: ‘Mi ta sigurá boso: Den e era nobo, ora Yu di hende sinta riba su trono glorioso, boso ku ta mi siguidó lo sinta riba diesdos trono pa husga e diesdos tribunan di Israel.

Salmo 43:4

Ei lo mi bai na altá di Dios, Dios, mi alegria i mi goso. Lo mi kanta i toka arpa pa Bo, o Dios, ku ta mi Dios.

Hakobo 2:10

Pasobra ken ku aten'é na henter Lei, pero faya ku djis ún mandamentu so ta resultá kulpabel di a faya ku tur e otro mandamentunan.

2 Pedro 1:10

P'esei antó, rumannan, hasi boso esfuerso pa boso komportashon demostrá ku mas i mas siguransa ku Dios a yama i skohe boso, pasobra si boso hasi e kosnan akí nunka boso lo no trompeká.

Levítiko 14:11

E saserdote ku a dirigí e seremonia ta pone e hende i su ofrendanan dilanti di SEÑOR na entrada di tènt di enkuentro.