Hudas 1:23 - Papiamentu Bible 2013

²³ Lo tin algun ku ainda boso lo por salba for di kandela di huisio i lo tin otro ku ounke boso mester tene mizerikòrdia ku nan, tòg boso mester warda boso mes di nan i repudiá asta e pañanan na nan kurpa, ku ta manchá pa un bida inmoral!

Beibel na Papiamentu Koriente 2013

²³ Lo tin algun ku ainda boso lo por salba for di kandela di huisio i lo tin otro ku ounke boso mester tene mizerikòrdia ku nan, tòg boso mester warda boso mes di nan i repudiá asta e pañanan na nan kurpa, ku ta manchá pa un bida inmoral!

Hudas 1:23 Referans Kwoze

1 Timoteo 4:16

Keda kuida bo mes i paga tinu na loke bo ta siña otro hende. Sigui hasi e kosnan ku mi a bisa bo akí, pasobra si bo hasi nan lo bo salba bo mes i esnan ku ta skucha bo.

1 Korintionan 15:33

No gaña boso mes: ‘Esun ku hunga ku lodo, ta susha su man!’

Revelashon 3:4

Pero boso tin poko hende na Sardis, ku no a mancha nan paña. Nan lo ta semper serka Mi bistí na blanku, pasobra nan ta digno di esei.

Revelashon 3:18

Sigui mi konseho i kumpra oro, purifiká den kandela, serka Mi, pa boso bira riku, i tambe paña blanku pa bisti i tapa e bèrgwensa di boso sunú, i salfi pa hunta riba boso wowo, di manera ku boso por mira atrobe.

Romanonan 11:14

mi ta spera di por hasi hende di mi mes pueblo yalurs i asina ei hiba algun di nan na salbashon.

2 Tesalonisensenan 3:14

Wak ken no ke obedesé loke nos a bisa den e karta akí. No asosiá kuné, ya esei ta brongos'é.

Isaías 64:6

Nos tur ta impuru, inkapas pa sirbi Bo, nos mihó echonan ta repugnante manera paña chikí sushá na sanger. Nos ta kulpabel i ta kai manera blachi seku, bientu ta hisa nos bai kuné.

Amos 4:11

Mi a destruí boso pais, manera Mi a hasi ku Sódoma i Gomora. Ta algun hende so a sali bibu, manera pida palu ku b'a logra saka fo'i kandela. Tòg boso no a bolbe serka Mi.’ T'esaki SEÑOR a bisa.

Levítiko 14:47

Ken ku drumi den e kas òf kome algu einan, mester laba su pañanan tambe.

1 Korintionan 3:15

Si un hende su trabou kima, e persona ei lo pèrdè su rekompensa, ma e mes lo keda salbá, pero na manera di bisa ku huma di kandela na su kurpa!

Lamentashonnan 4:14

Nan a kana dualu den siudat, fula fula manera hende siegu; dje sushi na sanger ei nan tabata ku niun hende no ta'tin mag di mishi ku nan.

Levítiko 15:17

Mester laba tur paña di bisti òf tur artíkulo di kueru ku a mishi ku e simia, nan ta keda impuru te ora nochi sera.

2 Korintionan 5:11

Nos sa kiko ke men teme Dios; ta p'esei nos ta purba konvensé otro hende. Dios konosé nos intenshonnan i mi ta spera ku boso tambe ta konvensí ku nan ta bon.

2 Huan 1:11

Pasobra esun ku kumindá un hende asina ta su kómplise den obra malbado.

Hudas 1:22

Tene mizerikòrdia ku esnan ku ta duda den nan fe.

Proverbionan 7:8

El a kana den e kaya, bai na e skina kaminda e muhé ta biba, rumbo pa kas di e muhé.