Huan 8:43 - Papiamentu Bible 2013

⁴³ Pakiko boso no ta komprondé loke Mi ta papia ku boso? Pasobra boso orea no por soportá loke Mi ta bisa boso.

Beibel na Papiamentu Koriente 2013

⁴³ Pakiko boso no ta komprondé loke Mi ta papia ku boso? Pasobra boso orea no por soportá loke Mi ta bisa boso.

Huan 8:43 Referans Kwoze

Huan 5:43

Mi a bini den nòmber di mi Tata, ma boso no ta aseptá Mi. Mare ta otro hende a bini den nan mes nòmber, e ora ei sí boso lo a aseptá nan!

Huan 7:17

Si un hende tin deseo di kumpli ku boluntat di Dios, e ta haña sa si loke Mi ta siña, ta di Dios òf si ta riba mi mes kuenta Mi ta papia.

Echonan 7:51

Esteban a sigui bisa: ‘Esta pagano i tèrko boso kurason ta, no! Esta surdu pa mensahe di Dios! Semper boso ta resistí Spiritu Santu; boso ta manera boso antepasadonan.

Huan 6:60

P'esei hopi di e disipelnan ku a tende Hesus papia, a bisa: ‘E palabranan akí ta hopi duru! Ken por para skucha nan?’

Huan 8:27

Nan no a komprondé ku Hesus tabata papia di su Tata.

Yeremías 6:10

‘Pero, SEÑOR,’ m'a puntra, ‘ta ku ken mi tin ku papia, ken mi tin ku atvertí? Ken lo skucha mi? Ai, nan orea ta duru, nan no por tende. Wak kiko bo palabra a para bira pa nan! Un skualmentu, pa nan hasi bofon di dje.

Proverbionan 28:5

Mal hende n' ta komprondé hustisia, pero esnan ku ta buska SEÑOR ta komprond'é kompletamente.

Isaías 44:18

Hende asina ta sin sintí, nan no ta komprondé nada. Nan wowo ta tapá, nan no ta mira, nan mente ta dje morto ei ku nan no ta komprondé niun pátaka.

Isaías 6:9

E ora ei El a bisa: ‘Bai anto i bisa e pueblo akí: “Skucha, sigui skucha numa, tòg boso lo no komprondé, wak, sigui wak numa, tòg boso lo no rekonosé.”

Mikéas 4:12

Pero e nashonnan akí no konosé pensamentu di SEÑOR; nan no ta realisá ku E t'esun ku a laga nan bini huntu pa kastigá nan, manera ora ta bati maishi pa kita bagas.

Hoséas 14:9

Es ku ta inteligente, mester paga tinu na e palabranan akí, esun ku tin komprondementu, rekonosé nan. Pasobra kamindanan di SEÑOR ta règt: hende hustu ta sigui e kamindanan ei, pero rebeldenan ta trompeká riba nan.

Romanonan 3:11

No tin niun ku komprondementu; niun ku ta buska Dios.

Mateo 13:15

Pasobra kurason di e pueblo akí a bira duru, nan a tapa nan orea, plak nan wowo sera, pa nan wowo no mira, ni nan orea no tende, ni nan mente no komprondé, pa nan no kombertí i Ami kura nan.”

Huan 5:25

Mi ta sigurá boso: e ora lo yega, sí, el a yega kaba, ku esnan ku ta morto lo skucha stèm di Yu di Dios i esnan ku tende di djE, lo haña bida!

Huan 8:33

Nan a bisa Hesus: ‘Nos ta desendiente di Abraham i nunka nos no tabata katibu di niun hende! Kon Bo por bisa: “Boso lo bira liber?” ’

Huan 8:39

Nan a bolbe kontestá Hesus: ‘Nos tata ta Abraham!’ E ora ei Hesus a bisa nan: ‘Si boso tabata yu di Abraham, boso lo a hasi loke Abraham a hasi.