Huan 7:30 - Papiamentu Bible 2013

³⁰ P'esei nan a buska moda di kohe Hesus prezu, ma niun hende no por a pone man riba djE, pasobra su ora no a yega ainda.

Beibel na Papiamentu Koriente 2013

³⁰ P'esei nan a buska moda di kohe Hesus prezu, ma niun hende no por a pone man riba djE, pasobra su ora no a yega ainda.

Huan 7:30 Referans Kwoze

Huan 10:39

Atrobe nan a buska moda di kohe Hesus prezu, ma El a logra skapa for di nan man.

Huan 8:20

Hesus a bisa e kosnan akí ora e tabata siña hende den tèmpel, den bisindario di e kahanan pa ofrenda. Niun hende no a koh'É prezu, pasobra su ora no a yega ainda.

Huan 7:6

E ora ei Hesus a bisa nan: ‘Mi tempu no a yega ainda, ma pa boso sí tempu ta hechu semper.

Huan 7:32

E fariseonan a tende e multitut komentá e kosnan akí tokante Hesus; pa e motibu ei nan i e saserdotenan importante a manda guardia pa bai kohe Hesus prezu.

Huan 11:57

A sosodé ku e fariseonan i e saserdotenan importante a duna òrdu pa ken ku sa Hesus su paradero, denunsi'É, ya por koh'É prezu.

Huan 9:4

Miéntras ta di dia ainda, nos mester sigui hasi trabou di Esun ku a manda Mi. Nochi ta bai sera i e ora ei niun hende no por traha.

Huan 8:59

P'esei e hendenan a piki piedra pa piedr'É, ma Hesus a skonde i sali for di tèmpel.

Huan 8:37

Mi sa ku boso ta desendiente di Abraham, ma tòg boso ta buska Mi pa mata, pasobra mi palabranan no a haña aseptashon serka boso.

Huan 7:19

Moises a duna boso lei, ma niun di boso no ta obedesé e lei ei. Pakiko boso ta buska Mi pa mata?’

Huan 7:8

Bai fiesta di Ramada numa; Ami no ta bai e fiesta ei, pasobra mi tempu no a yega ainda!’

Lukas 22:53

Dia aden dia afó Mi tabata huntu ku boso den tèmpel i boso no a arestá Mi; ma ta boso ora, e momento pa forsa di skuridat hasi su trabou!’

Lukas 20:19

E saserdotenan importante i e dòktornan di lei tabata ker a kohe Hesus prezu e momento ei mes, pasobra nan tabata sa ku e komparashon tabata trata di nan. Pero nan tabatin miedu di e pueblo.

Marko 11:18

E saserdotenan importante i e dòktornan di lei a tend'É i nan tabata buska un manera pa mat'É; nan tabatin miedu di djE, pasobra tur e hendenan tabata loko ku su siñansa.

Mateo 21:46

P'esei nan ker a kohe Hesus prezu, ma nan tabatin miedu di e multitut, ku tabata aseptá Hesus komo profeta.

Isaías 46:10

Fo'i kuminsamentu ya Mi ta anunsiá e fin. Mi ta predesí hopi delantá kosnan ku no a pasa ainda. T'Ami t'Esun ku ta bisa: “Mi desishon ta irevokabel; mi boluntat ta lei.”

Salmo 76:10

Hende, pa rebelde k'e por ta, mester rekonosé Bo, esnan ku a skapa di e kastigu na final ta rondoná Bo.

Huan 10:31

Nan a bolbe bai kohe piedra bini kuné, pa piedra Hesus.

Mateo 12:14

Ma e fariseonan a sali bai traha plan pa wak kon por kaba ku Hesus.